Алтынсарин ауданы

Уикипедия — ашық энциклопедиясынан алынған мәлімет
Jump to navigation Jump to search
Қазақстан ауданы
Алтынсарин ауданы
Елтаңбасы
Елтаңбасы
Әкімшілігі
Облысы

Қостанай облысы

Аудан орталығы

Обаған

Ауылдық округтер саны

11

Ауыл саны

27

Әкімі

Ахметов Батырбек Мыкансалыкович[1]

Тарихы мен географиясы
Құрылған уақыты

9 қазан 1985 жыл[2]

Координаттары

52°29′24″ с. е. 64°32′24″ ш. б. / 52.49000° с. е. 64.54000° ш. б. / 52.49000; 64.54000 (G) (O) (Я)Координаттар: 52°29′24″ с. е. 64°32′24″ ш. б. / 52.49000° с. е. 64.54000° ш. б. / 52.49000; 64.54000 (G) (O) (Я)

Жер аумағы

6,4 мың км²

Уақыт белдеуі

UTC+6:00

Тұрғындары
Тұрғыны

14 659[3] адам (2016)

Ұлттық құрамы

қазақтар (37,99%)
орыстар (37,26%)
украиндар (12,48%)
немістер (5,23%)
татарлар (1,88%)
белорустар (1,62%)

Сандық идентификаторлары
Автомобиль коды

10

altynsarin.kostanay.gov.kz

Қазақстан картасындағы Алтынсарин ауданы

Алтынсарин ауданы Қостанай облысындағы әкімшілік бөлініс. Жер аумағы — 5,4 мың км². Тұрғыны — 16,0 мың адам, орташа тығызд. 1 км²-ге 2,9 адамнан келеді (2006). Аудан орталығы — Обаған ауылы. Алтынсарин ауданы жері Қостанай облысының солтүстік және орталық бөлігінде, Батыс Сібір жазығындағы Тобыл, Обаған өзендерінің суайрығында орналасқан. Жері жазық, теңіз деңгейінен 150—200 м биіктікте. Кен байлықтарынан саз, боксит, қоңыр көмір барланған. Климаты тым континенттік. Қысы суық, жазы қоңыржай жылы. Қаңтардағы орташа температура — -17—-18°С, кей жылдары -40°С-тан төмен, шілдеде — 21—22°С, кей жылдары 37°С-қа дейін жоғарылайды. Жауын-шашынның жылдық орташа мөлшері 250 – 300 мм шамасында. Су қоры шығысында Обаған өзенінің орта ағысын, оңтүстік-шығысында Құсмұрын көлінің солтүстік бөлігінен және көптеген ірілі-ұсақты көлдерден тұрады. Ірілері: Талы, Байжарық, Ұзынкөл, т.б. Топырағы тұтастай қара қоңыр және сортаң қара қоңыр. Бетеге, селеу аралас әр түрлі шөптер өседі. Ауданның солтүстік-батысын Арақарағай орманы, солтүстік-шығысын Сарыкөл орман шаруашылығына қарасты қайыңды тоғайлар алып жатыр. Жануарлардан қасқыр, түлкі, қоян, орманда аздап бұлан мен тиін; құстардан бүркіт, кезқұйрық, қарақұр, жазда көл мен өзен бойларында қаз, үйрек, қызғыш, тауқұдірет, жылқышы, аққу, т.б. мекендейді. Алтынсарин ауданы негізінен ауыл шаруашылығымен айналысады. Ауыл шаруашылығына жарамды аумағы 345,1 мың га, оның 221,3 мыңы егістік, 0,5 мыңы шабындық, 117,8 мыңы мал жайылымы. Аудан арқылы ҚостанайКөкшетауҚарасу темір жолы және ҚостанайКөкшетауҚарасу автомобиль жолдары өтеді.

Дереккөздер[өңдеу]

  1. Әкімі. Алтынсарин аудан әкімдігінің ресми Интернет-ресурсы. Тексерілді, 5 желтоқсан 2016.
  2. Ауданның тарихи. Алтынсарин аудан әкімдігінің ресми Интернет-ресурсы. Тексерілді, 5 желтоқсан 2016.
  3. 2016 жылғы 1 қаңтарға Қазақстан Республикасы облыстары, қалалары, аудандары, аудан орталықтары және кенттері бойынша халықтың жынысына қарай саны. Қазақстан Республикасы Ұлттық экономика министрлігінің Статистика комитеті. Тексерілді, 23 ақпан 2016.