Альпинарий

Уикипедия — ашық энциклопедиясынан алынған мәлімет
Jump to navigation Jump to search
Альпийская горка.JPG

Альпинарий немесе Альпы тас төбешігі — шағын тау ландшафт түрінде тастар мен өсімдіктерді ұштастырып жасалған гүлзар.

Көбіне бұл гүлзар түрінде альпы және субальпы белбеуінде өсетін литофит-өсімдіктер отырғызылады. Әдетте альпинарий ортасына немесе бір жақ ажанына ірі тас орнатады, оның маңына кішірек тастар, ал тастар арасына - гүлдерді отырғызады.

Әсіресе кішкене су бойындағы альпинарий көрікті болып келеді. Өсімдіктердің тауда өсетін табиғи түрлерін таңдап алған дұрыс. Альпинарийді қиыршық тас төселіп кәрізделген жерге жасап, оның үстіне шымтезек, ірі құм және аздаған қиыршық тас немесе құмтас араластырылған шым топырақ тас төсеп тастау керек. Негізінен кілем іспетті келетін, жатаған өсетін немесе аласа және орташа, әдемі гүл жаратын, яки жапырағы әдемі өсімдіктерді бөлек-бөлек етіп егіп тастайды. Аз мөлшерде биік өсімдіктерді де егуге болады. Альпинарийге ең жақсысы - бәйшешек, зағыпыран, жатаған құртқашаш, жуа, мускар, нарцис, көкнәр еккен дұрыс. [1]

Дереккөздер[өңдеу]

  1. Шаңырақ : Үй-тұрмыстық энциклопедиясы. Алматы : Қаз.Сов.энцикл.Бас ред., 1990 ISBN 5-89800-008-9 478-бет