Аманбек Мұхашов

Уикипедия — ашық энциклопедиясынан алынған мәлімет
Навигацияға өту Іздеуге өту

Аманбек Мұхашов (27.8.1939 жылы туған, Сарысу ауданы Саудакент ауылы) – дипломат.

Мәскеу энергетика институтын бітірген (1962). 1976 – 79 жылдары Алматы Жоғары партия мектебі, 1962 – 65 жылдары Алматы ауыр машина жасау зауытында инженер-электрик, одан комсомол комитетінің хатшысы болып қызмет істеді. 1965 – 71 жылдары Қазақстан ЛКЖО ОК-нің нұсқаушысы, Алматы қаласындағы Калинин ауданы комсомол комитетінің бірінші хатшысы болды. 1971 – 81 жылдары Калинин ауданы аткомы төрағасының орынбасары, төрағасы, 1981 – 87 жылдары Алматы қалалық партия комитетінің бөлім меңгерушісі, Алматы қалалық атқару комитеті төрағасының орынбасары, 1987 – 89 жылдары Алматы ауыр машина жасау зауытында шебер, өндірістік бөлім бастығы, 1989 – 91 жылдары халықаралық антиядролық «Невада-Семей» қозғалысы аткомының директоры, 1991 – 94 жылдары Қазақстан кәсіподақтарының «Еңбек» акционерлік қоғамы басқармасының төрағасы, 1994 – 96 жылдары Қазақстан Республикасы Үкіметі Аппаратында Аймақтық даму бөлімі меңгерушісінің орынбасары, сектор меңгерушісі, 1996 – 2000 жылдары Италиядағы ҚР Елшілігінің кеңесшісі қызметінде болды. 2000 жылы ҚР Үкіметі Аппаратында Аймақтық даму бөлімінің бас инспекторы болып тағайындалды. ҚР Үкіметі жанындағы Діни бірлестіктермен байланыс жөніндегі Кеңес хатшылығының меңгерушісі. Бірнеше медальдармен, Қазақ КСР Жоғарғы Кеңесі Төралқасының грамотасымен (1968), Жоғ. Кеңестің «Құрмет» грамотасымен (1970) марапатталған.[1]

Сілтемелер[өңдеу | қайнарын өңдеу]

  1. Қазақ энциклопедиясы