Амангелді Бикешұлы Ақдәулетов

Амангелді Бикешұлы Ақдәулетов
Туған күні	1 қараша 1942 (1942-11-01) (83 жас)
Туған жері	Белоглинка ауылы, Қарабалық ауданы, Қостанай облысы, Қазақ КСР
Марапаттары мен сыйлықтары

Амангелді Бикешұлы Ақдәулетов (1 қараша 1942, Белоглинка ауылы, Қарабалық ауданы, Қостанай облысы, Қазақ КСР) — Қазақ КСР Қостанай облысы Комсомол ауданы Қарабалық ауыл шаруашылығы тәжірибе станциясының бригадирі.

Өмірбаяны

Еңбек жолын 1959 жылы Қостанай облысындағы Қарабалық ауыл шаруашылығы тәжірибе станциясында (АШТС) тракторшы болып бастады.

1962 жылдың қарашасынан 1966 жылдың қаңтарына дейін Орал әскери округі бөлімдерінің бірінде Кеңес Әскері қатарында әскери борышын өтеді. Запасқа шығарылған соң елге оралды.

1966 жылдың қаңтар айынан бастап қайтадан Қарабалық ауыл шаруашылығы тәжірибе станциясына жұмысқа орналасты. Алғашында өндірістік гимнастика бойынша нұсқаушы-әдіскер қызметін атқарды.

1969 жылдың қыркүйек айынан бастап сол станцияда тракторшы болып жұмыс істеді. Жұмыста жоғары көрсеткіштерге қол жеткізді. 1979 жылы КОКП қатарына қабылданды.

КСРО Жоғарғы Кеңесі төралқасының 1975 жылғы 14 ақпандағы және 1979 жылғы 12 сәуірдегі Жарлықтарымен Ақдәулетов Амангелді Бикешұлы тиісінше III және II дәрежелі «Еңбек Даңқы» ордендерімен марапатталды.

1980 жылдан бастап тракторлық егістік бригадасының бригадирі болып жұмыс істеді. 1982 жылы Қостанай ауыл шаруашылығы институтын «агроном» мамандығы бойынша сырттай бітірді. Бригадир болып жұмысын жалғастырды.

КСРО Жоғарғы Кеңесі төралқасының 1986 жылғы 7 шілдедегі Жарлығымен он бірінші бесжылдықтың тапсырмаларын және ауыл шаруашылығы өнімдерін өндіру және өңдеу жөніндегі социалистік міндеттемелерді орындауда қол жеткізген табыстары үшін Ақдәулетов Амангелді Бикешұлы I дәрежелі «Еңбек Даңқы» орденімен марапатталды. «Еңбек Даңқы» орденінің толық иегері атанды.

1991-2005 жылдары Қарабалық АШТС бастапқы тұқым шаруашылығы бөлімін басқарды. Еңбек жолында өзін білімпаз маман, тәжірибелі басшы ретінде көрсете білді. 2005 жылы зейнеткерлікке шықты.

Қарабалық ауданының Научное ауылында тұрады.

Марапаттары

• III дәрежелі Еңбек Даңқы ордені (14.02.1975)
• II дәрежелі Еңбек Даңқы ордені (12.07.1979)
• I дәрежелі Еңбек Даңқы ордені (07.07.1986)
• КСРО Мемлекеттік сыйлығының лауреаты (1988)
• Қарабалық ауданының Құрметті азаматы (2004)