Амангелді Медхатұлы Дәулетжанов

Амангелді Медхатұлы Дәулетжанов
Дүниеге келгені:	1958 қыркүйек Орал қаласы
Мансабы:	БҚО әкімі аппаратының жетекшісі

Амангелді Медхатұлы Дәулетжанов 1958 жылы 30 қыркүйекте Орал қаласында туған. Қазақ. Батыс Қазақстан ауылшаруашылық институтын (1980) зооинженер мамандығы бойынша; Батыс Қазақстан инженерлік-технологиялық университетін (2004) экономист мамандығы бойынша бітірген. Қазақ және орыс тілдерін біледі. «Нұр Отан» ХДП мүшесі.

1980 жылдан - Орал облысы Шыңғырлау аудандық ауылшаруашылық басқармасының зоотехнигі, Шыңғырлау аудандық комсомол комитетінің нұсқаушысы, үйымдастыру бөлімінің меңгерушісі, хатшысы. 1984 жылдан - Орал облысы Шыңғырлау ауданының Жаңакөш арнайы кеңшар бірлестігінің бас зоотехнигі. 1985 жылдан - Орал облысы Шыңғырлау аудандық комсомол комитетінің бірінші хатшысы. 1986 жылдан - Орал облыстық комсомол комитетінің бірінші хатшысы. 1987 жылдан - Орал облыстық агроөнеркәсіптің біріккен кәсіподақ комитетінің жетекші маманы, жалпы бөлім бастығы, төрағасы. 1989 жылдан - Орал облыстық партия комитеті бірінші хатшысының көмекшісі. 1991 жылдан - Орал облыстық Халық депутаттары кеңесі төрағасының рөференті, төраға көмекшісі, Батыс Қазақстан облыстық әкімшілігі басшысының бірінші орынбасарының көмекшісі. 1992 жылдан - «Интурист-Қазақстан» Шетелдік туризм жөніндегі ұлттық компаниясы агенттігінің директоры, «Яссауи» туризм жөніндегі МАҚ Орал агенттігінің директоры. 2002 жылдан - Орал қаласының әкімі аппаратының ұйымдастыру бөлімінің меңгерушісі, аппарат жетекшісі. 2006 жылдан - БҚО Шыңғырлау ауданының әкімі. 2008 жылдан бері - БҚО әкімі аппаратының жетекшісі. «Астананың 10 жылдығы» медалімен (2008); ҚР Президентінің Құрмет грамотасымен (2007) марапатталған. Әскери атағы - запастағы лейтенант.

Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Мемлекеттің тұрақты дамуы және оның әлемнің 50 дамыған елдерінің қатарына қосылуы».

Үйленген. Жұбайы - Әділова Айсұлу Мұхамбетқызы. Қыздары - Зарина, Әйгерім.