Амангелді Мырзахметұлы Жантеміров

Уикипедия — ашық энциклопедиясынан алынған мәлімет
Jump to navigation Jump to search

Жантеміров Амангелді Мырзахметұлы-Ауған соғыстың ардагері.

Өмірбаян[өңдеу]

1939 жылы Солтүстік Қазақстан облысы, қазіргі Жамбыл ауданындағы Қарақамыс ауылында дүниеге келген. 1964 жылы Алматы медицина институтын бітіргеннен кейін жолдамамен жаңа ашылған, жастардың арман қаласына айналған Рудныйға келеді. Қалалық емханаға орналасады. Қызметін қатардағы құлақ, тамақ және мұрын дәрігерінен бастаған ол жеке бөлімше ашуға қол жеткізді. Сөтіп, Рудный қаласының ғана емес, төңіректегі елді мекендердің, Қазақстан мен Ресейдің көршілес облыстарының тұрғындары да келіп, осында жатып емделу мүмкіндігін алды. Кешікпей Амангелді Мырзахметұлының ұйымдастырушылық қабілетін байқаған қала басшылығы оны ауруханаға бас дәрігер етіп тағайындады. Ол қызмет істей жүре, кәсіби біліктіліігн арттыруға да жете мән берді. Мәскеуде, Ленинградта (Санкт-Петербург) білім жетілдіру курстарында оқып, тәжірибе жинақтады. Бұл оның сырқаттарды емдеуде жаңа тәсілдерді қолдана білуіне септігін тигізді. Керең болып қалған адамдардың құлағына салғанда бірден естіп кететін тетік те ойлап тауып еді. Тіпті сол кезде Мәскеу мен Ленинградта ғана жасалатын күрделі ота-пластикалық ота да жасап жүрді. Осылай ол сырқаттарынан құлан-таза жазылған жүздеген, мыңдаған адамдардың ақ батасын алды, халықтың құрметіне бөленді. Қазақстанның лор-дәрігерлерінің бірінші съезіне делегат болып қатысты, кеудесіне «Денсаулық сақтау саласының үздігі» төсбелгісі мен «Құрмет Белгісі» орденін қадады. Қоғамдық жұмыстарға да белсене араласты. Тіпті, 1990 жылы Қазақ КСР халық депутаттығына кандидат болып, дауысқа түсті. «Рудный қаласының құрметті азаматы» атағына ие болды.

Ауған соғысына қатысу[өңдеу]

Өткен ғасырдағы ауған соғысы жер бетіндегі қанды қырғындардың бірі болғаны баршаға аян. Осы тұста Амангелді Мырзахметұлы Рудный қаласының әскери комиссариатына барып, өзі сұранып қан майданға аттанады. Майданнан жолдаған хатында: «Айдың-күннің аманында, әлі оң-солын танып білмеген қыршын жастардың мерт болып жатқаны қиналтты мені. Қолымнан келгенше көмек жасауды ұйғардым» - деп жазған еді. Ауғанстаннан аман оралған ол қайта қызметіне кірісіп, Ауған соғысына қатысқандарға арнайы палата ашты. Ауғанстанда жүргенде Мәскеуден арнайы аттестациялық комиссия келіп, дәрігерлердің біліктілігін тексереді. Сол кезде Амангелді Мырзахметұлы өзінің негізгі мамандығы отолорингологиядан ғана емес, инфекция, офтольмология, стоматология, хирургия салаларын да өте жақсы меңгергенін көрсетеді. Сонда комиссия төрағасы «Міне шалғайдан келген хирург деп қалай айтасын мұндай маманды» деп таңғалғанын жасыра алмайды. Сөтіп, майор шеніндегі хирург Амангелді Жантеміровке «Жоғары санаттағы хирург» атағы берілді.

Марапаттары[өңдеу]

Оның ерлік ісі ескерусіз қалған жоқ. «Алғысты ауған халқынан» медалімен марапатталады.

Пайдаланған әдебиеттер[өңдеу]