Аманжан Мәкәрімұлы Жамалов
Аманжан Мәкәрімұлы Жамалов (1.1.1960 жылы туған, Сырым ауданы, Тоғанас ауыл) — ғалым, экономика ғылымдарының кандидаты (1998), профессор (2001). 1977 жылы Орал қаласындағы 2-орта мектепті, 1983 жылы Мәскеу темір жол инженерлері институтын, 1998 жылы Мәскеу Тауар өткізу және қызмет көрсету салалары мемлекеттік академиясының аспирантурасын бітірген. 1983 жылы еңбек жолын Батыс Қазақстан темір жолының Орал локомотив депосында бастап, депо бастығының орынбасарына (1990) дейінгі кәсіби-қызмет жолынан өткен. 1990-92 жылы Орал облысының комсомол к-тінде, кейін әр түрлі шаруашылықтық-коммерциялық құрылымда қызмет атқарған. Қазіргі кезде Еуразия халықаралық менеджмент және тілдер институтында сабақ береді. Оның ғылыми еңбектері қаржы саласын басқаруды жетілдіріп, банк ісін үйымдастыруды жақсарту мәселелеріне арналған.
2007 жылдан бері - ҚР Парламенті Мәжілісі 4-ші шақырылымының депутаты («Нұр Отан» ХДП партиялықтізімі бойынша сайланған), Қаржы және бюджет комитетінің мүшесі.
«Қазақстан Республикасының тәуелсіздігіне 10 жыл» (2005), «Қазақстан Парламентіне 10 жыл (2006), «Астананың 10 жылдығы» (2008) медальдарымен марапатталған. ҚР Президентінің Апғыс хатымен (2005) ескерілген.
Әскери атағы - майор.
Діни көзқарасы - мұсылман.
Саяси қайраткер ретіндегі идеалы - Н.Ә. Назарбаев, Ш. де Голль.
Қазақстанның болашағы туралы болжамы - «Еуразиядағы мәдениетті және қаржылай-экономикалық орталық».
Хоббиі - тарихи кітаптарды оқу, қазіргі заманғы қазақ суретшілерінің туындыларын жинау, қыста суға түсу.
Сүйіп оқитын әдебиеті-В. Гюго, Л.Н. Гумилев,Х. Есенжанов, Г.Г. Маркес, П. Коэльо.
Үйленген. Жұбайы - Әлімбаева Науат Таңсықбайқызы (1961 жылы туған), үй шаруасымен айналысады. Балалары -Жамалова Салтанат (1980 жылы туған), Жамалова Айжан (1984 жылы туған), Мәкәрім Апьфатах (1999 жылы туған).[1]
Шығармалары:[өңдеу | қайнарын өңдеу]
- Совершенствование организации управления сферой финансовых услуг, М., 1998;
- Организация процесса стратегического планирования в коммерческом банке, М., 1997;
- Совершенствование организационных структур управления коммерческими банками, М., 1996;
- Пути вовлечения персонала в процессы управления деятельностью банков, М., 1998.[2]
Дереккөздер[өңдеу | қайнарын өңдеу]
- ↑ Қазақстан Республикасында кімнің кім екені - 2011. 2 томдық анықтамалық. Алматы, 2011 ІSВN 978-601-278-473-2
- ↑ Батыс Қазақстан облысы. Энциклопедия. — Алматы: «Арыс» баспасы, 2002 жыл. ISBN 9965-607-02-8
 | Бұл мақаланы Уикипедия сапа талаптарына лайықты болуы үшін уикилендіру қажет. |