Аманжол Қашқынбайұлы Сәлімбаев

Аманжол Қашқынбайұлы Сәлімбаев - (1936-1986), актер, режиссер, әнші (тенор). Нұраның түлегі. М. Әуезов атындағы академиялық театр жанындағы театр студиясын (1960), Құрманғазы атындағы консерваторияны (1964) бітірген. Қарағандының С. Сейфуллин атындағы драма театрында артист, Жамбыл облыстық қазақ драма театрда бас режессер болды. Сахнада Төлеген («Қыз Жібек» ) , Досым ( «Досымның үйленуі», Қ. Аманжолов) , Әбіш («Шұға » , Б. Майлин), Бүркіт («Мөлдір махаббат» , С. Мұқанов) бейнелерін сомдады. С. Жүнісовтың «Жаралы гүлдер», А . Жакеновтың « Әке тағдыры» , Ғ . Домбайдың «Біздің ауылда қызықтар бола береді» спектакльдерін қойды. Сәлімбаев орындаудағы әндер Қазақ радиосының алтын қорында сақтаулы. Қарағанды қаласында Сәлімбаев тұрған үйге (Ә. Әлиханов, 11) мемориалдық тақта орнатылған (2006).