Амангелді Молдағазыұлы Төлеев

Уикипедия — ашық энциклопедиясынан алынған мәлімет
(Аман Төлеев бетінен бағытталған)
Мұнда ауысу: шарлау, іздеу

Төлеев Амангелді Молдағазыұлы [1944 жылы туған, Түрікменстан, Красноводск (қазіргі Түрікменбашы қаласы)] – мемлекет қайраткері, техникалық ғылым докторы (2000). Балуанияз батырдың ұрпағы. Тихорецк техникалық жабдықтар көлігі техникумын (1964), Новосибирск техникалық жабдықтар көлігі инженерлері институтын (1973), Қоғамдық ғылымдар академиясын (1989) бітірген. Еңбек жолын 1964 жылы Кемерово облысында теміржолшы болып бастады. 1967 – 1973 жылдары Новокузнецкідегі Мұнайбашы станциясында бастығы, 1973 – 1985 жылдары Междуреченск станциясының бастығы, Кемерово Новокузнецк бөлімшесі бастығының орынбасары, бөлімше бастығы, 1985 – 1988 жылдары Кемерово облысы партия к-тінде көлік және байланыс бөлімінің меңгерушісі, 1988 – 1990 жылдары Кемерово бастығы болды. 1990 – 1993 жылдары РКФСР Жоғарғы Кеңесінің депутаты, Кемерово облысы халық депутаттары кеңесінің төрағасы, 1994 – 1996 жылдары облысы заң шығарушы жиналыстың төрағасы, 1996 – 1997 жылдары РФ-ның ТМД елдерімен қарым-қатынас министрі қызметтерін атқарды. 1997 жылдан Кемерово облысының губернаторы. 3 рет (1991, 1996, 2000) РФ Президенттігіне кандидат болып түскен. Төлеев «Долгое эхо путча» (1992), «Власть в руках человека и… человек в руках власти» (1993), «На изломах жизни…» (1993), «Цена иллюзий» (1995), «Отечество – боль моя» (1995), «Судите сами» (1996) атты кітаптардың авторы. Ресейдің, Украинаның, Қазақстанның, Беларусьтің, Моңғолияның мемлекеттік ордендерімен марапатталған.[1]

Дереккөздер[өңдеу]

  1. «Маңғыстау» энциклопедиясына, Компьютерлік-баспа орталығы, 2007