Амирани

«Амирани», грузиннің ежелгі эпосы «Амиранидің» қаһарманы. «Күн перзенті» деген ұғымды білдіреді. Ол адамдарды дию-періден құтқарып, оларға от жағуды, металл өндеуді үйретеді, қудайларға қарсы шығады. Сол үшін құдай оны қатал жазалап, Кавказ тауының шыңына бүғаулап қояды. Бұл аңыз б.з.д. 5- 4 ғасырға саяды. Одан Ежелгі Грекияға көшіп, Прометей туралы мифке ауысқан. Біздің дәуіріміздің 4-5 ғасырында Грузияға христиан дінінің кіруіне байланысты А. жөніндегі аңыздар өзгеріп, көп құдайдың орнына Христос келеді. Эпос өлең аралас қара сөзбен жазылған, оның ғылыми басылымының 120-дай нұсқасы бар. Әуезов «КСРО халыктары әдебиеттерінің әркендеуі» атты еңбегінде «Грузия тарихында халықтың ауыз әдебиетінің көп ғасырлық дәстүрлері маңызы мол» болғанын, «ауызша әдебиет пен жазба әдебиет дәстүрлерінің алғаш дәуірде тығыз байланысты» дамығанын топшылай келіп, солардың ішінде «Грузия эпосы «Амиран» жайы бөлек орын алады» деп жазды.