Анар Екейбайқызы Қашағанова

Уикипедия — ашық энциклопедиясынан алынған мәлімет
Jump to navigation Jump to search

Анар Екейбайқызы Қашағанова (27.08.1952 жыл, Жамбыл облысы, Луговой ауданы, Луговое ауылы) - продюсер. Қазақ.

Әкесі - Екейбай Қашағанов, марқұм, ҰОС қатысқан, одақтық дәрежедегі зейнеткер, көрнекі партия-шаруашылық қызметкері болған. Анасы - Мархаба Керімқұлқызы Есболатова, республикалық дәрөжедегі зейнеткер, ҚР Еңбек сіңірген мәдениет қайраткері.

Бүкілодақтық мемлекеттік кинематография институтының экономика факультетін бітірген (Мәскеу қаласы, 1975), кино және телевидениенің экономисі, өндірісті ұйымдастырушы.

1975 жылдан - «Қазақфильм» киностудиясында аға әкімгер, кинокартиналар директорының орынбасары. 1979 жылдан - КСРО Мемлекеттік киносы Бүкілодақтық «Совинфильм» бірлестігінде (Мәскеу) фильмдер жасау жөніндегі эксперт, бірлесіп кинофильмдер қою киноөндірісі және шет ел киностудиялары мен кинофильмдеріне өндірістік-шығармашылық қызмет көрсету ісін ұйымдастырушы. 1985 жылдан - «Қазақфильм» киностудиясында аға редактор, 2-ТӨБ-нің директоры және көркемдік жетекшісі, бас директордың орынбасары, бас директордың қызметін атқарушы. 1997 жылдан - ҚР ¥лттық продюсерлік орталығы төрағасының орынбасары. 2000 жылдан - «Хабар» агенттігі ЖАҚ-та фильмдер және арнаулы жобалар жөніндегі 3-ТӨБ-нің бас продюсері. 2002 жылдан - Ш. Айманов атындағы «Қазақфильм» АҚ бас директорының өндіріс жөніндегі орынбасары, 2008 жылдан - дебюттер мен қысқа метражды фильмдер бірлестігінің президенті, өндіріс жөніндегі басқарушысы, 2009 жылдан бері - бірлестік директоры.

Көптеген киножобалардың, оның ішінде «Полигон», «Тот, кто нежнее» фильмдерінің продюсөрі. ¥лттық кинематография жүйесінде «продюсерлік кино» моделін жүзеге асыру үшін белсенді қызмет атқарып, оның ішінде мемлекеттік кинематография тарихында бірінші рет «Нәзік жүрек» («Қазақфильм» компаниясы - «АСС» компаниясы (Франция) бірлескен өндірісі, 1994) киножобасына Қазақстан тарапынан продюсер болып қатысты.

Кино жәнө телевидениенің Еуразиялық академиясының толық мүшесі (Ресей, 2003). ҚР Кинематографистер одағының хатшысы.

«Полигон» фильміне ҚазССР мемлекеттік сыйлығын иеленген (1990).

Ұлы - Махмеев Асқар Александрұлы (1978 жылы туған).[1]

Дереккөздер[өңдеу]

  1. Қазақстан Республикасында кімнің кім екені. Екі томдық анықтамалық. Алматы, 2011 жыл. ISBN 978-601-278-473-2