Анатолий Николаевич Ковалевский

Уикипедия — ашық энциклопедиясынан алынған мәлімет
Jump to navigation Jump to search

Анатолий Николаевич Ковалевский(7.1.1916, Украина, Чернигов облысы,Бахмач қаласы - 27.1.1945, Польша, Нойберун қаласы) - 2-дүниежүзілік соғысқа катысушы, полковник, батальон, кейіннен танк бригадасының командирі.1933 жылы Дзержинский атындағы 2-шекаралық мектептің танк бөлімшесін бітірді. 1938 жылы Солтүстік Қазақстан облысы М.Жұмабаев ауданындағы Успенка селосына қоныс аударды. 1939 жылдың соңында 86-жеке танк батальоны танк взводының командирі ретінде Кеңес-фин соғысына, Ұлы Отан соғысы жылдарында 152-Ленинград танк бригадасында ұрыстарға, 1941 жылдың қыркүйегінде Ленинградқа ұмтылған жау шабуылын тойтаруға қатысты. Ковалевский басқарған танк бригадасы 1944 жылдың 27 қаңтарында Краков воеводствосындағы шағын Нойберун қаласы үшін болған ұрыстарда ерлікпен қаза тапты. Львов қаласындағы Даңқ төбесінде жерленді. Осында көрсеткен ерлігі үшін Ковалевскийге КСРО Жоғарғы Кеңесі Төралқасының Жарлығымен қайтыс болғаннан кейін Кеңес Одағының Батыры атағы берілді (6.4.1945). Сондай-ақ ол 3 рет Қызыл Ту, 1-дәрежелі Отан соғысы, 2-дәрежелі Кутузов ордендерімен марапатталды. [1]

Дереккөздер[өңдеу]

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х