Анатолий Павлович Живов

Уикипедия — ашық энциклопедиясынан алынған мәлімет
Jump to navigation Jump to search

Анатолий Павлович Живов(1925, Ресей, Калуга облысы, Таруса ауданы, Кузьмищево селосы - 4.4.1944, Украина, Тернополь қаласы) - 2-дүниежүзілік соғысқа қатысушы, байланысшы, Кеңес Одағының батыры.

Кеңес әскері қатарына 1942 жылы шақырылып, бір топ мәскеулік жұмысшылармен бірге Қарағанды облысы, Ұлытау ауданы, Жезді кеніші құрылысына жұмысқа жіберілген. Қорғаныс өнеркәсібіне қажетті маңызды стратегиялық нысан - Жезді марганец кен орны 38 күнде салынып бітті. Осы кеніште жұмыс істеп жүрген Живов өз еркімен 1943 жылдың мамырында майданға аттанды. Тернополь қаласы көшелерінде болған кескілескен ұрыстарда жау амбразурасын өз денесімен жауып, ерлікпен қаза тапты. КСРО Жоғарғы Кеңесі Төралқасының Жарлығымен Живовқа ерлігі үшін Кеңес Одағының Батыры атағы берілді (23.9.1944).

Ол туралы өлеңдер жазылып, әндер шырқалды. Мәскеудің «Трехгорная мануфактурасы» және Тернополь қаласының мақта-мата комбинатында оның есімімен аталатын бригадалар мен ауысымдар бар. Мәскеу мен Тернополь қалалары көшелерінің біріне Живовтың есімі берілген. Ленин орденімен марапатталған.[1]

Дереккөздер[өңдеу]

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х