Анатолий Петрович Билык

Анатолий Петрович Билык (20.11.1928 ж.т., Украина, Днепропетровск облысы, Магдалиновка ауданы, Крамарка ауылы) - мүсінші. Қазақстанның еңбек сіңірген өнер қайраткері (1990). Днепропетровск көркемсурет училищесін бітірген (1950). 1956 жылдан Қарағанды қаласында тұрады. Негізінен, монументті және қондырғылы мүсін өнері саласында еңбек етті. Билык 1958 ж. Қарағанды қаласында қойылған Кеңес Одағының батыры, ұшқыш Нүркен Әбдіров ескерткіші авторларының (мүсінші Ю.В. Гуммельмен бірге, архитектор Л.Е. Воробьев) бірі. Бұдан кейін "Қаза тапқан қарқаралық жауынгерлерге" (1972), "Шахтер даңқы" (1967 - 74, архитектор А.П. Малков; Қарағанды қаласы), т.б. ескерткіштерін жасады. Билык портрет саласында да өнімді еңбек етіп, "Әйел бейнесі" (1966), "Кеңес Одағының батыры М.Мамыраевтің портреті" (1975), "Шахтер. Социалистік Еңбек Ері Т.Күзембаевтың портреті" (1970), т.б. туындыларын жасады.