Андрес Иньеста

Уикипедия — ашық энциклопедиясынан алынған мәлімет
Навигацияға өту Іздеуге өту
Андреас Иньеста Футбол
Жалпы мағлұмат
Толық аты

Андрес Иньеста Лухан (Andrés Iniesta Luján)

Туған күні

11 мамыр 1984 (1984-05-11) (39 жас)

Туған жері

Альбасете, Испания

Азаматтығы

Испания

Бойы

170 см

Салмағы

65 кг

Позиция

Жартылай қорғаушы

Клуб жайлы ақпарат
Клуб

Жапония Виссел Кобе

Номері

8

Жастар клубы
1994–1996 Испания Альбасцете
1996–2000 Испания Барселона
Клуб карьерасы[* 1]
2000–2003 Испания Барселона Б 54 (5)
2003—2018 Испания Барселона 442 (35)
2018— Жапония Виссел Кобе 110 (21)
Ұлттық құрамы[* 2]
2000 Жапония Испания U15 2 (0)
2000—2001 Испания Испания U16 7 (1)
2001 Испания Испания U17 4 (0)
2001—2002 Испания Испания U19 7 (1)
2003 Испания Испания U20 7 (3)
2003—2006 Испания Испания U21 18 (6)
2006—2018  Испания 131 (13)
2004 Каталония 2 (0)
  1. Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.
  2. Ресми матчтарда ұлттық құрамда болған ойындары мен голдар саны.

Андрес Иньеста Лухан (исп. Andrés Iniesta Luján; 11 мамыр 1984 жыл, Албасете, Испания) — Испания футболшысы, жартылай қорғаушы. "Барселона" футбол клубының экс-капитаны, Испания құрама командасының экс-вице-капитаны.

"Барселона" футбол академиясының түлегі. Бірінші команда сабында алғаш рет 2009 жылдың қазанында алаңға шықты. Cол уақыттан бастап жеті рет Испан примерасын, төрт рет Чемпиондар Лигасын, үш рет Испан кубогын, алты Еуропа Суперкубогын және екі футбол командалар арасындағы әлем чемпионатын ұтып алды.

Испан құрама командасы сапында әлем (2010) және екі дүркін Еуропа Чемпионы (2008, 2012) атанды.

2012 жылы UEFA рейтингі бойынша ең үздік футболшы атанды. 2010 жылы болған әлем чемпионатының финалындағы жалғыз голдың авторы.

Клубтық Карьерасы[өңдеу | қайнарын өңдеу]

Барселона[өңдеу | қайнарын өңдеу]

Он екі жасар жас ойыншыны "Барселона" командасының скауттары "Альбасете" командасының сапында көрді. Кішкене уақыт өткеннен кейін Андрес "Барселона" академиясына қабылданып Барселона қаласына көшеді. Барселона академиясының әрбір командасында ойнап, негізгі құрамаға дейін өсті. 200 жылы Чемпиондар лигасында "Брюгге" командасына қарсы негізгі команда сапында ойнады. 2003-2004 маусымында Испан чемпионатында 11 ойын ойнап, 1 гол соқты. Сол жылы Барселона 2 орын алды.

2004-2005 жылы Иньеста басты команданың негізгі ойыншылар сапынан орын тауып, 38 ойынның 37 ойынында қатысты. Тіпті командаға Португал жұлдызы Деку келгенде Иньестаға командада орын табылып отырды. Сол уақытта Иньеста әлем футболының үміт күттіретін жас футболшылардың бірі еді. Сондықтан Иньестаның Испан құрама командасына шақыру алу дұрыс шешім болып көрінді.

2006 - 2007 жыл Барселона үшін сәтсіз болды. Жылдың басында Испания Суперкубогын ұтып алса да, УЕФА Суперкубогында "Севильядан" ұтылды. Барселона Испан чемпионатында 2 орын алды. Иньеста 36 ойынға қатысты. Чемпиондар Лигасында Барселона 1/8 кезеңіңде ұтылды. Испания Кубогында Барселона жартылай финалда Хетафе футбол командасына ұтылды, ал футбол командалары арасында өтетін Әлем чемпионатында финалда "Барселона" "Интернасиональ" командасына ұтылды. Андрес Иньеста әрбір жарыста өз үлесін қосса да, командаға бұл жеткіліксіз болып шықты.

2007-2008 жыл да Барселона үшін сәтсіз болды. Сол себепті жылдың соңында Франк Райкардтың орнына жаңа бапкер, Хосеп Гвардиола келді.

2008-2011 жылдары Барселонаға бұрын сонды болмаған кезең болып табылады. Хосеп Гвардиола Хави, Иньеста, Пуйоль, Месси секілді футболшылардың ойын мәнеріне өзгертулер енгізіп, Барселона қатысқан әрбір турнирде жетістікке жеткізді.

Ұзақ жылдар бойы Иньеста құрама сапында да, клуб сапында да командада өте маңызды рөл атқарды. Ойын барысында Иньестаның аяғына доп жабысып қалғандай әсер туғызатын. Сол себепті оны "Сиқыршы" деп атады.

Виссел Кобе[өңдеу | қайнарын өңдеу]

2018 жылдың мамыр айында "Барселонадағы" 15 жылдық карьерасын тәмамдап, Жапонияның "Виссел Кобе" клубымен 3 жылдық келісім шартқа отырды. [1] Алғашқы ойынын 22 шілдеде "Катзумэ Уатанабэ" клубына қарсы өткізді. [2] 2018 жылдың 11 тамызында Виссел Кобедегі алғашқы голын соқты.[3]

2019 жылы "Император Кубогын" жеңіп, клубтағы алғаш олжасына қол жеткізді. Бір ай өткесін, Иньеста Жапония суперкубогын олжалап алды.[4][5]

2021 жылдың 11 мамыр айында "Виссел Кобемен" жаңа 2 жылдық келісім шартқа отырды.[6]

Ұлттық құрама[өңдеу | қайнарын өңдеу]

2006 жылы 15 мамырда Ресеге қарсы жолдастық кездесуде Испания ұлттық құрамасы сапында тұңғыш рет алаңға шықты. Тұңғыш голын 2007 жылы 7 ақпанда Англия қақпасына енгізді.

Иньеста 2006-18 жылар аралығындағы барлық әлем және Еуропа чемпионаттарына қатысты.

Оңтүстік Африка Республикасында өткен футболдан 2010 жылғы әлем біріншілігінде Испания құрамасы финалға дейін жетіп, Иньеста финалда Нидерладқа қарсы шешуші гол соқты. Осылайша олар Испания тарихында алғаш рет әлем чемпиондары атанды.

2018 жылғы әлем чемпионатынан соң карьерасын аяқтады.

Жетістіктері[өңдеу | қайнарын өңдеу]

Халықаралық[өңдеу | қайнарын өңдеу]

  • Еуропа чемпионы: 2008, 2012
  • Әлем Чемпионы: 2010

Барселона[өңдеу | қайнарын өңдеу]

  • Клубтар арасындағы әлем чемпионаты: 2009, 2011, 2015 (Барселона)
  • Испания Кубогы: 2009, 2012, 2015, 2016, 2017, 2018 (Барселона)
  • Чемпиондар Лигасы: 2006, 2009, 2011, 2015 (Барселона)
  • Еуропа Суперкубогы: 2009, 2011, 2015 (Барселона)
  • Испания Суперкубогы: 2005, 2006, 2009, 2010, 2011, 2013, 2016 (Барселона)
  • Испания Чемпионаты: 2005, 2006, 2009, 2010, 2011, 2013, 2015, 2016, 2018 (Барселона)

Виссел Кобе[өңдеу | қайнарын өңдеу]

  • Император кубогы: 2019
  • Жапония суперкубогы: 2020

Жеке[өңдеу | қайнарын өңдеу]

  • Еуропа чемпионатының символикалық құрамы: 2008
  • Әлем чемпионатының символикалық құрамы: 2010
  • Еуропа чемпионатының символикалық құрамы: 2012
  • Әлемнің екінші футболшысы: 2010
  • Чемпиондар Лигасының үздік ойыншысы: 2011/12
  • Еуропа чемпионатының үздік ойыншысы: 2012
  • Жылдың үздік плеймейкері: (2): 2012, 2013
  • «Golden Foot» жүлдесі: 2014
  • Чемпиондар Лигасының үздік ойыншысы: 2014/15

Дереккөздер[өңдеу | қайнарын өңдеу]

Сілтемелер[өңдеу | қайнарын өңдеу]