Андре риу

Андре Леон Мари Николя Риу (голландша: [ˈɑndreː riˈjøː], французша: [ɑ̃dʁe ʁjø]; 1949 жылы 1 қазанда туған) — вальс орындайтын Иоганн Штраус оркестрінің негізін қалаушы ретінде танымал голландиялық скрипкашы және дирижер.

Риу мен оның оркестрі әлем бойынша гастрольдік сапарға шығады, көбінесе стадиондарда өнер көрсетеді.^[1]. Ол туған қаласы Маастрихтте тұрады және сол жерде, Врейтхоф алаңында жиі концерт береді.^[2]

Ерте өмірі мен отбасы

Риу тегі француз гугеноттарынан шыққан, дегенмен Андренің екі ата-анасы да рим-католик дінін ұстанған.^[3] Андре Андрис Антони Риудің отбасында дүниеге келген және алты баланың үшіншісі болған.^[4]

Риудің әкесі Маастрихт симфониялық оркестрінің дирижері болған. Андре ерте жастан музыкалық қабілетін көрсетіп, бес жасында скрипкада ойнауды үйрене бастаған. Ол өте кішкентай кезінен оркестрге қызығушылық танытқан, дегенмен ата-анасын қатал деп есептеп, ересек шағында әкесінің музыкалық стилінен алыстап кеткен.^[5]

Ол Льеждегі Корольдік консерваторияда және Маастрихт консерваториясында (1968–1973 жж.) скрипкадан білім алып, Жо Юда және Герман Кребберс сынды ұстаздардың шәкірті болған.^[6]^[7]

1974 жылдан 1977 жылға дейін ол Брюссельдегі Музыка академиясында оқып, Андре Герлерден сабақ алған. Ол оқуын Брюссельдегі Корольдік консерваториядан «Premier Prix» (бірінші жүлде) атағымен тәмамдаған. ^[8]

Ол 1975 жылы Маржори Кохманға үйленді. ^[9] Маржори — тіл пәнінің мұғалімі әрі музыкалық шығармалар жазған. Олардың екі ұлы бар, соның ішінде Пьер атты ұлы — продюсер, ол жиі Иоганн Штраус оркестрімен жұмыс істейді. ^[10] Ол Маастрихттегі шағын қамалда тұрады, ол қамалды бір кездері Шарль де Батц Кастельмор д'Артаньян мекендеген деп айтады. ^[11]

Андре алты тілде сөйлейді: голланд, ағылшын, неміс, француз, итальян және испан тілдерінде. ^[12] 2016 жылы оның байлығы шамамен 25 миллион еуро деп бағаланған.^[13]

Мансабы

Иоганн Штраус оркестрі

Негізгі мақала: Иоганн Штраус оркестрі

Риу 1987 жылы Иоганн Штраус оркестрін құрды және бастапқыда 12 музыкантпен жұмысын бастады. Оркестр алғашқы концертін 1988 жылы 1 қаңтарда өткізді.^[14] 2020 жылғы жағдай бойынша ол 50-60 музыкантпен бірге өнер көрсетеді. Риу 1667 жылы жасалған Страдивариус скрипкасында ойнайды.

Риу мен оның оркестрі Еуропа, Солтүстік және Оңтүстік Америка, Жапония, Аустралия және Жаңа Зеландияда өнер көрсетті. 2008 жылы Риудың гастрольдік турына Императрица Сисидің сарайының нақты өлшемдегі көшірмесі кірді — ол сол уақыттағы ең үлкен гастрольдік сахна болды.^[15]

Соңғы әлемдік турлар нәтижелері Billboard / Pollstar жыл сайынғы әлемдік ең танымал турлар тізімдерінде
Жыл	Орны	Көрсетілім саны	Қаражат	Ақпарат көзі
2010	#16	86	$39,992,285	Billboard Top 25 Tours 2010^[16]
2011	#9	102	$67,104,756	Billboard Top 25 Tours 2011^[17]
2012	#10	99	$46,785,710	Billboard Top 25 Tours 2012^[18]
2013	#20	70	$49,881,605	Billboard Top 25 Tours 2013^[19]
2014	#17	70	$42,983,266	Billboard Top 25 Tours 2014^[20]
2015	#20	101	$51,151,367	Billboard Top 25 Tours 2015^[21]
2016	#23	71	$40,169,471	Billboard Top 25 Tours 2016^[22]^[23]
2017	#42	89	$47,700,000	Pollstar Top 100 Worldwide Tours^[24]
2018	#21	71	$55,933,149	Billboard Top 25 Tours 2018^[25]

Қабылдануы

Аустралия

Австралия – Риенің ең үлкен жанкүйерлері бар елдердің бірі. Мельбурн қаласындағы Herald Sun газетінің сыншысы Крис Бойд Риенің орындау шеберлігін сынға алмағанымен, оның сахнадағы басты рөлін «жұмсақ сөйлеу мен өкілеттіктерді беру» деп сипаттады. ^[26]

The Australian газетінде Эймон Келли былай деп жазды: «Риені сынға алғандарды арзан әрі дәл емес стереотиптер арқылы жоққа шығаруға тырысатын кәсіби журналистерді көру көңіл қынжылтады».^[27] Ол сонымен қатар: «Риені үстіртін түрде жоққа шығаратындар да қателеседі. Оның тірі және жазылған концерттері миллиондаған адамға қуаныш сыйлады. Оның тыңдармандарының көбісі классикалық музыка концерттеріне жиі бармайды, бірақ Рие арқылы олар классикалық музыканың танымал шығармаларымен танысып жатыр деуге болады. Риенің қолжетімді әрі ләззат сыйлайтын репертуарға көңіл бөлуі – оның музыкалық деңгейіне қарсы дәлел емес» деді.^[28]

2008 жылдың желтоқсан айында Рие Австралияда өзінің 100-інші платина сертификациясын алды,^[29] ал 2011 жылдың мамырында оның CD және DVD дисктерінің көтерме сатылымы 50 миллион австралиялық доллардан асты. 2006–2011 жылдар аралығында Рие Австралия нарығында ең көп сатылған музыкалық орындаушы болды.^[30]

Ұлы Британия

The Guardian басылымында Том Сервис Риенің Маастрихттегі концертінің фильмін шолу барысында (мақала жарияланған 2015 жылы бұл фильм Ұлыбритания тарихындағы ең табысты концерттік фильм болған) бұл қойылымды «тауарланған классикалық музыканың шарықтау шегі» деп сипаттап, Риенің «аңдаусыз шедеврлерді» «шектен тыс тәттілендірілген азыққа» айналдырып жібергенін айтты.^[31] Сол басылымда Альфред Хиклинг Риемен жүргізілген сұхбатында сыншылардың «негізгі мәнді түсінбей отырғанын» айтып, Риенің шоумендік қабілеті мен кәсіпкерлік шеберлігін Иоганн Штраус II-мен салыстырды.^[32]

Қосымша оқуға арналған әдебиеттер

Rieu, Marjorie (2000). André Rieu: My Music, My Life. Naarden: Strengholt. ISBN 90-5860-0637.

Сыртқы сілтемелер

André Rieu IMDb
André Rieu (Ресми парақша)
André Rieu's Аустралиялық ресми парақшасы
André Rieu (C Music TV Biography)
André Rieu AllMusic
The Magic of Andre Rieu
André Rieu Ресми YouTube парақшасы

Пайдаланылған әдебиеттер

[1] "The Year in Touring Charts"

[2] "André Rieu Biography"

[3] "Interview on German TV"

[4] "Andre Rieu and his family"

[5] "A Maestro for the Masses, if Not the Critics".

[6] "André Rieu"

[7] "Biography – André Rieu Press Room"/

[8] "André Rieu"

[9] "André Rieu: ten things you never knew"

[10] "Andre Rieu and his family"

[11] "Andre rieu Castle de Torentjes"(қолжетпейтін сілтеме)

[12] "André Rieu: ten things you never knew"

[13] "A Maestro for the Masses, if Not the Critics"

[14] "Still going strong - the Johann Strauss Orchestra"

[15] "Andre Rieu is top 10 Touring act"

[16] ttp://www.billboard.com/articles/news/949535/top-25-tours-of-2010

[17] ttp://www.billboard.com/articles/news/42159/top-25-tours-of-2011

[18] ttp://www.billboard.com/articles/news/1481408/top-25-tours-of-2012

[19] ttp://www.billboard.com/articles/list/5820092/top-25-tours-of-2013

[20] ttp://www.billboard.com/biz/articles/news/touring/6406036/live-musics-20-billion-year-rolling-stones-one-direction-live

[21] ttp://www.billboard.com/biz/articles/news/touring/6805618/live-musics-20-billion-year-the-grateful-deads-fare-thee-well

[22] ttp://www.billboard.com/biz/charts/year-end

[23] ttp://www.billboard.com/files/charts/year-end/TOP_25_TOURS.pdf

[24] ttps://www.pollstar.com/Chart/2018/01/2017YearEndTop100WorldwideTours_621.pdf

[25] "The Year in Touring Charts"

[26] Andre Rieu Coloring Book: King of Waltz and Classical Music, Johan Strauss Orchestra and Violinist Prodigy Inspired Adult Coloring Book.

[27] "Music's Great Polariser".

[28] "Music's Great Polariser".

[29] "The Rieu Records Tumble"(қолжетпейтін сілтеме)

[30] "Andre's $50M".(қолжетпейтін сілтеме)

[31] "Take that, Take That! Violinist André Rieu sets new music-concert record at UK cinemas"

[32] "André Rieu: 'I spent £34m on fountains, ice rinks and gold carriages'"

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

[25]

[26]

[27]

[28]

[29]

[30]

[31]

[32]