Анкара теміржол вокзалы
Анкара теміржол вокзалы (түр. Ankara Yüksek Hızlı Tren Garı, аббревиатура ATG) — Түркияның Анкара қаласындағы негізгі теміржол вокзалы және қала шегіндегі ірі көлік торабы.
Тарихы
[өңдеу | қайнарын өңдеу]
Түркияның тәуелсіздік соғысы аяқталғаннан кейін Стамбул мен Анкара арасындағы жолаушылар теміржол қатынасы қайта жанданды. 1927 жылы 1 маусымда CFOA-ны түрік мемлекеттік теміржолдары (TCDD) сатып алды және Анкара станциясы TCDD бақылауына өтті.[1]
Қазіргі ар-деко стильіндегі ғимаратты 1937 жылы түрік сәулетшісі Шекип Акалин салған. 1993 жылы Стамбул-Анкара желісі толығымен электрлендірілді.[2]
2004 жылы Анкара-Стамбул жүрдек теміржол желісін салу бойынша жұмыстар басталды, бұл кезде Түркия теміржолдарын күрделі модернизациялау аясында Анкарада жаңа теміржол вокзалын салу және 2005 жылдың тамызында Түрік темір жолдары Түркияның Көлік және коммуникация министрлігімен серіктестікте жаңа жоғары жылдамдықты теміржол желісін салуды жоспарлады.[3]
2013 жылдың 9 желтоқсанында Анкара темір жолының қала маңындағы ескі платформаларын бөлшектеу басталды, ал үш жылдан кейін, 2016 жылдың мамырында жұмыс аяқталды. Ғимарат пен теміржол вокзалы 2016 жылдың 29 қазанында ресми түрде ашылды.[4]
Сипаттама
[өңдеу | қайнарын өңдеу]
Вокзал аумағы 194 460 м² (темір жолдарды қоса алғанда), құрылыс алаңы 175 000 м². Ғимарат 8 қабаттан тұрады және 50 000 адамға дейін сыяды. Бір уақытта 12 жүрдек пойыз түйісетін 3 платформадан және 6 теміржол желісі бар. Жалпы сыйымдылығы 1 910 көлік құралы бар автотұрақ, кафе, мейрамхана, жалға алынған 12 бизнес-кеңсе, 217 коммерциялық алаңдар, конференц-залдар жұмыс жасайды. Сонымен қатар намазхана, алғашқы медициналық көмек көрсету және қауіпсіздік бөлімдері, қонақ үй бар.
Мүгедектерге арналған екі лифт, пандустар, дәретханалар және теміржол вокзалын пайдаланатын мүгедек жолаушылар үшін жол жүру пункті бар, станция қарттар мен мүгедектерді арбамен қамтамасыз ете алады.
Вокзалда жиырма жеті билет кассасы болса, оның бірі мүгедектерге арналған. Вокзалдың жоғарғы қабатында орналасқан 134 бөлмесі бар 5 жұлдызды қонақ үй Анкарада демалатын жолаушыларға қызмет көрсетеді.[5]
Галерея
[өңдеу | қайнарын өңдеу]
Дереккөздер
[өңдеу | қайнарын өңдеу]- ↑ TCDD тарихы. Тексерілді, 11 мамыр 2025.
- ↑ CFOA - Chemins de Fer Ottomans d'Anatolie. Тексерілді, 11 мамыр 2025.
- ↑ Yüksek Hızlı 21 gar. Тексерілді, 11 мамыр 2025.
- ↑ Ankara Yüksek Hızlı Tren (YHT) Garı 29 Ekim'de hizmete açılıyor. Тексерілді, 11 мамыр 2025.
- ↑ T.R. Мемлекеттік темір жолдар. Тексерілді, 11 мамыр 2025.