Анна Юрьевна Нетребко
| Анна Нетребко | |
 | |
| Толық есімі |
Анна Юрьевна Нетребко |
|---|---|
| Туған күні |
18 қыркүйек 1971 (54 жас) |
| Туған жері | |
| Азаматтығы | |
| Ұлты | |
| Белсенділігі |
1993–қ.к. |
| Мамандығы |
Опера әншісі |
| Әкесі |
Юрий Нетребко |
| Анасы |
Лариса Ивановна |
| Серігі |
Эрвин Шротт, Жүсіп Эйвазов |
| Балалары |
Тьяго Аруа |
| Марапаттары мен сыйлықтары |
|
Анна Юрьевна Нетребко (18 қыркүйек 1971, Краснодарда туған) — ресейлік және аустриялық опера әншісі, Ресей Федерациясының халық әртісі (2008). Ресей Федерациясының Мемлекеттік сыйлығының лауреаты (2004). Вена мемлекеттік операсының каммерзенгерині (2017).[1]
Ол Цюрих опера театры, Вена мемлекеттік операсы, Бавария мемлекеттік операсы, Ковент-Гарден және Метрополитен-опера сахналарында өнер көрсеткен. Сондай-ақ Мариин театры труппасымен бірге түрлі елдерде гастрольдік сапарларда болған.[1]
Өмірбаяны
[өңдеу | дереккөзін өңдеу]Анна Нетребко Краснодар қаласында кубань казактарынан шыққан отбасында дүниеге келген. Анасы — инженер, әкесі — геолог. Бала кезінен музыка мен әнге қызығып, «Кубанская пионерия» хорында ән айтқан.
Ол Санкт-Петербург консерваториясында профессор Тамара Новиченконың класында білім алған.
1993 жылы М.И. Глинка атындағы байқауда жеңіске жетіп, Мариин театрына шақырылды. Мұнда дирижёр Валерий Гергиевпен бірге жұмыс істеді.
1995 жылы Сан-Францискода (Людмила, «Руслан и Людмила») дебют жасады. Танымалдық оған аустриялық композитор В.А.Моцарт жазған операсы «Сиқырлы флейтадағы» Памина және Дж.Россини жазған «Севиль шаштаразы» операсындағы Розина рөлдері арқылы келді. Сонымен қатар ол Михаил Глинка, Сергей Прокофьев және Николай Римский-Корсаков шығармаларындағы вокалдық партияларды орындады.
2002 жылы Метрополитен-опера сахнасында дебют жасады («Соғыс және бейбітшілік» операсындағы Наташа рөлі).
2003 жылы Джузеппе Вердидің «Травиата» операсындағы Виолетта рөлін орындады. Сол жылы оның алғашқы Opera Arias альбомы жарық көріп, үлкен табысқа жетті. 2004 жылы Sempre Libera альбомы шықты.
2004 жылы «The Princess Diaries 2: Royal Engagement» фильмінде өзін-өзі сомдады.
2006 жылы Аустрия азаматтығын алып, Ресей азаматтығын сақтап қалды.
2010 жылы Филипп Киркоровпен бірге «Жаңа толқын» байқауында өнер көрсетіп, кроссовер жанрында да жұмыс істей бастады.
2015 жылы Елена Образцованы еске алуға арналған еуропалық турға қатысты.
2022 жылғы 3 наурызда Метрополитен-опера әншіні саяси себептерге байланысты сахнадан шеттетті, оның партиялары украин әншісі Людмила Монастырскаяға берілді.
Қоғамдық пікір
[өңдеу | дереккөзін өңдеу]Әншінің жанкүйерлері көп болғанымен, сын айтушылар да бар. Кейбір сыншылар оның дауысының бұрынғыдай күшті емес екенін атап өтеді. Ал әншінің өзі уақыт өте келе дауысын өзгертіп, жаңа репертуарға бейімделгенін айтады.
Жеке өмірі
[өңдеу | дереккөзін өңдеу]Анна Нетребко уругвайлық баритон Эрвин Шроттпен некеге тұруға сөз байласқан. Алайда 2013 жылдың қарашасында, алты жылдық қарым-қатынастан кейін, олар ажырасу туралы шешім қабылдады.
Оның ұлы — Тьяго Аруа (2008 жылғы 5 қыркүйекте туған).
2015 жылғы 29 желтоқсанда Венада Нетребко әзербайжандық тенор Жүсіп Эйвазовқа тұрмысқа шықты. Олар бір жыл бұрын сөз байласқан болатын.
2024 жылғы 27 маусымда Анна мен Жүсіп ажырасқандарын жариялады. Олар достық қарым-қатынасты сақтайтындарын және бірге ән айтуды жалғастыратынын атап өтті. Ажырасудың басты себебі — қашықтықтағы өмір. Анна Венада тұрып, жұмыс істеді, ал Жүсіп — Бакуде.
2017 жылғы мәлімет бойынша, ол Вена мен Нью-Йорк қалаларында тұрған.
Санкциялар
[өңдеу | дереккөзін өңдеу]2022 жылғы қазанда Ермак — Макфол санкциялар жөніндегі халықаралық жұмыс тобы Анна Юрьевна Нетребконы «Кремль саясатына сәйкес жалған нарративтер қалыптастырады» деп сипатталған соғыс насихатшылары мен идеологтары тізіміне енгізіп, оған қарсы санкциялар енгізуді ұсынды. 2023 жылғы 7 қаңтарда ол Украина санкциялар тізіміне енгізілді. Бұған оның басып алынған аумақтарға баруы, насихаттық концерттерге қатысуы, сондай-ақ соғыс пен Владимир Путин режимін ашық қолдауы себеп болған.[2]