Анора

	Анора
	ағылш. Anora
Жанры	драмеди
Режиссёрі	Шон Бейкер
Продюсері	Шон Бейкер; Алекс Коко; Саманта Квон
Сценарийдің авторы	Шон Бейкер
Басты рөлдерде	Майки Мэдисон; Марк Эйдельштейн; Юра Борисов; Дарья Екамасова; Алексей Серебряков
Операторы	Дрю Дэниэлс
Композиторы	Мэттью Хаттон-Смит
Кинокомпания	FilmNation Entertainment; Cre Film
Дистрибьютор	Neon
Ұзақтығы	138 мин
Бюджеті	$6 млн
Кассалық түсімі	$58.2 млн
Мемлекет	АҚШ
Тілі	ағылшын тілі
Шыққан жылы	2024
IMDb	ID 28607951
	https://anora.film Ортаққордағы Анора

«Анора» (ағылш. Anora) — режиссёр Шон Бейкердің 2024 жылғы америкалық комедиялық драмасы.^[1] Премьерасы 2024 жылғы 21 мамырда 77-ші Канн кинофестивалінде өтіп, сыншылардың жоғары бағасына ие болды және фестивальдің бас жүлдесі — «Алтын пальма бұтағын» иеленді. 2024 жылдың 18 қазанында «Neon» компаниясының таратуымен кинотеатрларға жол тартты. Фильм 6 миллион доллар бюджетпен түсіріліп, әлемдік прокатта 58,2 миллион доллар табыс тапты. Осылайша, бұл туынды Шон Бейкердің мансабындағы ең табысты жобаға айналды.

Картина көптеген беделді марапаттарға ие болды. Ұлттық киносыншылар кеңесі мен Америка кино институты оны 2024 жылдың үздік он фильмінің тізіміне қосты. 97-ші «Оскар» марапаттау рәсімінде фильм алты номинация бойынша ұсынылып, оның бесеуінде жеңіске жетті: «Үздік фильм», «Үздік режиссер», «Үздік актриса» (Мэдисон), «Үздік түпнұсқалық сценарий» және «Үздік монтаж». «Анора» — кино тарихында «Алтын пальма бұтағын» да, «Үздік фильм» үшін «Оскар» мүсіншесін де қатар алған төрт фильмнің бірі.

Сюжеті

Анора — өзін Эни деп атайтын Нью-Йорк қаласындағы орыс тілді анклав Брайтон-Бичтен шыққан өзбек текті 25 жастағы стриптизшінің толық аты. Ол орыс тілімен біршама таныс болғандықтан, бастығы оны орыс тілді клиенттермен байланыстырады. Жұмыс істейтін клубында ол ресейлік олигархтың ұлы – 21 жасар Ванямен танысады. Ваня Эниді сәнді үйге әкеліп, кенеттен Лас-Вегасқа ұшырып, оған үйлену ұсынысын жасайды. Бұл ниетін төрт каратты гауһар тасты сақина түріндегі сыйлықпен нығайтады. Ваняның мәскеулік ата-анасы бұған қарсы болады. Жігіттің ата-анасы оны некенің күшін жоюға мәжбүрлеу үшін Нью-Йоркке ұшып барады, сол кезде олардың ертегідегідей отбасылық өміріне қауіп төнеді.

Рөлдерде

Актёр	Рөлі
Майки Мэдисон	Эни Анора Эни
Марк Эйдельштейн	Иван Захаров Иван Захаров
Юра Борисов	Игорь Игорь
Дарья Екамасова	Галина Степановна Иванның анасы Галина Степановна
Алексей Серебряков	Николай Захаров Иванның әкесі Николай Захаров
Карен Карагулян	Торос Торос
Ваче Товмасян	Гарник Гарник
Алена Гуревич	Клара Клара
Айви Уолк	Кристал Кристал

Шығару және қабылдау

Түсірілім 2023 жылы Нью-Йоркте (Бруклин) және Лас-Вегаста өтті.^[2]

Фильмнің премьерасы 2024 жылғы 21 мамырда Канн кинофестивалінде негізгі бағдарлама аясында өтті. Сыншылар алдын ала «Анораны» жылдың басты фестиваль премьераларының бірі деп санаған. Көрермендер фильм аяқталғаннан кейін 9 минут бойы фильмді жасаушыларға қол шапалақтады. Нәтижесінде фильм 2024 жылғы 25 мамырда «Алтын пальма бұтағын» жеңіп алды.

Rotten Tomatoes шолу агрегаторының веб-сайтында 41 сыншы пікірдің 98%-ы оң пікір білдірді, орташа рейтингісі – 8,7/10.^[3] Орташа өлшенген мәнді қолданатын Metacritic фильмге 21 шолуға сүйеніп 100-ден 89 ұпай берді.^[4]

Марапаттар мен номинациялар

Марапат	Рәсімнің өтетін күні	Санат	Номинант(тар)	Нәтиже	Д.
Канн кинофестивалі	25 мамыр 2024	Алтын пальма бұтағы	Шон Бейкер	Жеңді	^[5]
«Оскар»	2 наурыз 2025	«Үздік фильм»	Алекс Коко, Саманта Квон және Шон Бейкер	Жеңді	^[6]
		«Үздік режиссер»	Шон Бейкер	Жеңді
		«Үздік актриса»	Майки Мэдисон	Жеңді
		«Үздік екінші пландағы актер»	Юра Борисов	Номинация
		«Үздік түпнұсқалық сценарий»	Шон Бейкер	Жеңді
		«Үздік монтаж»	Шон Бейкер	Жеңді
«Алтын глобус»	5 қаңтар 2025	«Үздік фильм — комедия немесе мюзикл»	«Анора»	Номинация	^[7]
		«Үздік актриса — комедия»	Майки Мэдисон	Номинация
		«Үздік көмекші актер»	Юра Борисов	Номинация
		«Үздік режиссура»	Шон Бейкер	Номинация
		«Үздік сценарий»	Шон Бейкер	Номинация

Дереккөздер

↑ Sean Baker explores new horizons in Competition // Канн кинофестивалі 2024
↑ Lang, Brent 'Red Rocket' Director Sean Baker and FilmNation Entertainment Reteam on 'Anora' With Mikey Madison Starring (EXCLUSIVE) (ағыл.). Variety (25 October 2023). Тексерілді, 25 қазан 2023.
↑ Anora (ағыл.). Rotten Tomatoes.
↑ Anora (ағыл.). Metacritic.
↑ Murray, Miranda Exotic dancer drama 'Anora' wins Cannes Film Festival's top prize (May 25, 2024).
↑ Кушев, Игорь Борисов — нет, «Анора» — да. Подведены итоги «Оскара-2025» (орыс.) (3 марта 2025).
↑ Wiseman, Andreas Golden Globes Nominations Revealed: Full List (ағыл.) (9 December 2024).

Сыртқы сілтемелер

Анора (ағыл.) Internet Movie Database сайтында
Анора (ағыл.) Rotten Tomatoes сайтында

[1] Sean Baker explores new horizons in Competition // Канн кинофестивалі 2024

[2] Lang, Brent 'Red Rocket' Director Sean Baker and FilmNation Entertainment Reteam on 'Anora' With Mikey Madison Starring (EXCLUSIVE) (ағыл.). Variety (25 October 2023). Тексерілді, 25 қазан 2023.

[3] Anora (ағыл.). Rotten Tomatoes.

[4] Anora (ағыл.). Metacritic.

[5] Murray, Miranda Exotic dancer drama 'Anora' wins Cannes Film Festival's top prize (May 25, 2024).

[Оскар-6] Кушев, Игорь Борисов — нет, «Анора» — да. Подведены итоги «Оскара-2025» (орыс.) (3 марта 2025).

[goldenglobes-7] Wiseman, Andreas Golden Globes Nominations Revealed: Full List (ағыл.) (9 December 2024).

[1]

[2]

[3]

[4]

[5]

[6]

[7]