Аншлавс Эглитис

Уикипедия — ашық энциклопедиясынан алынған мәлімет
Навигацияға өту Іздеуге өту
Аншлавс Эглитис
латышша Anšlavs Eglītis
Туған күні

14 қазан 1906 (1906-10-14)

Туған жері

Рига, Лифляндия губернаторлығы, Ресей империясы

Қайтыс болған күні

4 наурыз 1993 (1993-03-04) (86 жас)

Қайтыс болған жері

Лос-Анджелес, АҚШ

Азаматтығы

 Ресей империясы
 Латвия
 АҚШ

Білімі

Латвия өнер академиясы

Бағыты

Проза

Шығармалардың тілі

Латыш тілі

Аншлавс Эглитис (14 қазан 1906 – 4 наурыз 1993) — латыш жазушысы, журналист және кино сыншысы. 1944 жылы Германияға, содан кейін 1950 жылы АҚШ-қа қоныс аударды, онда ол 50-ге жуық шығарма – роман, повесть және бірнеше пьеса жазып, латыш әдебиетінің классигі болды[1].

Аншлавс 1906 жылы 14 қазанда Ригада дүниеге келген. Әкесі – жазушы Виктор Эглитис, анасы – Мария Эглите (қыз кезіндегі тегі Столбова), мұғалім және аудармашы. Кіші інісі – Уидвуд (1913 – 2003) заң мектебін бітірген. Бірінші дүниежүзілік соғыс кезінде, Рига қаласына неміс оккупациясына дейін Аншлавс отбасымен Ресейге көшірілді, ол жерден анасы өкпе туберкулезімен оралды. 1918 жылы олар Латвияға оралып, Алукснеде тұрды.

1919 жылы отбасы Ригаға көшті. Аншлавс Ригадағы № 2 гимназияны бітірген. 1908-1909 жж. Вальдемар Тонның өнер студиясында болды. Ол жазды «Пансион во дворце» (1962) романында сипаттаған Кримульда аймағының Инциемс деген жерінде өткізді. 1925 жылы Лезен қаласында туберкулезден емделеді. Ригаға оралған соң анасының қайтыс болғанын біледі. 1935 жылы Латвия өнер академиясын бітіреді. Бейнелеу пәнінің мұғалімі болып жұмыс істейді. Бір жылдан кейін ол өзінің алғашқы ірі шығармасы – «Маэстро» романын жазады.

«Яунакас зиняс» (1938), «Атпута» (1940-1941) сияқты басылымдармен қызметтес болды.

1944 жылы оның «Homo novus» романы «Тэвия» газетінде жарияланды. Сол жылы Эглитис Германияға қоныс аударды, Берлинде тұрып, жұмыс істеді. Қаланы бомбалау бастағаннан кейін ол Швейцарияға, ал 1950 жылы АҚШ-қа көшті. 1945 жылы жазушының әкесі жалған айыппен қамауға алынып, атылды[2]. АҚШ-та Эглитис 50-ден астам әңгімелер мен романдар жазды. Әдеби қызметімен қатар ол театр мен киноға шолулар жазған. Оның еңбектері Латвияда да жарық көрді.

Аншлавс Эглитис 1993 жылы 4 наурызда Лос-Анджелесте қатерлі ісік ауруынан қайтыс болды. Ол Латвиялық суретші Вероника Янэлсинге (1910-2001) үйленген. Вероника Янэлсин күйеуінің көптеген кітаптарын суреттеген.

Инциемстегі Аншлавс Эглитис ескерткіші.

2008 жылы Инциемс қаласында жазушыға ескерткіш орнатылды[3].

Дереккөздер

[өңдеу | қайнарын өңдеу]