Априза Құсайынқызы Құсайынова

Уикипедия — ашық энциклопедиясынан алынған мәлімет
Навигацияға өту Іздеуге өту

Априза Құсайынқызы Құсайынова - 1952 жылы 5 наурызда Ақмола облысы Целиноград ауданы Төңкеріс ауылында туған. Қазақ.

Әкесі - Аптаев Құсайын Орманұлы, марқұм, мектеп директоры болған. Анасы - Оспанова Күлзағира, марқұм, бастауыш сынып мұғалімі болған.

С. Сейфуллин атындағы Целиноград педагогикалық институтының филология факультетін бітірген (1975), орыс тілі мен әдебиеті пәні мұғалімі; Алматы мамандық жетілдіру институтын бітірген (1998), экономист-менеджер. «Наурыз», «Қазақтың салты мен дәстүрлері», «Қымыз-мұрындық», «Қырықбата» брошюраларының авторы. Жыл сайын өтетін «Қымызмұрындық» фольклорлы-этнографиялық мерекесінің авторы және продюсері (1992 жылдан). «Қазақстан бізді біріктіреді» кітабының бас редакторы (2010). Қазақ және орыс тілдерін біледі. «Нұр Отан» ХДП бастауыш партия уйымының хатшысы(2004 жылдан). 1968 жылдан - Целиноград халыққа білім беру қалалық бөлімшесінде муғалім (Целиноград облысы Целиноград ауданы). 1976 жылдан - ТУ-6 комсомол комитетінде хатшы, Целиноград қаласы Совет ауданы аудандық комсомол комитетінде хатшы. 1980 жылдан - Қазақстан ЛКЖО обкомы мәдениет-көпшілік және үгіт жұмыстары бөлімшесінің меңгерушісі. 1984 жылдан - «Молодежный» сарайының мәдениет-көпшілік жумыстары жөніндегі директордың орынбасары (Целиноград). 1985 жылдан - Целиноград қалалық атқару комитетінің және Совет аудандық комитетінің бөлімше меңгерушісі. 1990 жылдан - Ақмола қаласы қалалық мәдениет бөлімінің меңгерушісі міндетін атқарушы. 1992 жылдан - Ақмола қалалық әкімшілігінде мәдениет бөлімінің меңгерушісі. 1998 жылдан - Ақмола қаласы мәдениет Басқармасы бастығының орынбасары; Ақмола қаласы Мәдениет және демалу Саябағының директоры. 2001 жылдан - «М. Горький атындағы орыс драма театрының» МҚКК директоры (Астана). 2007 жылдың наурыз айынан бері - «АЛЖИР» саяси қудалаулар мен тоталитаризм құрбандарының мұражайлық-ескерткіш кешені» МҚКК директоры. Целиноград қаласы Совет ауданы аудандық халық депутаттары Кеңесінің депутаты (1985-1988).

«Астана әйелдері» ҚҚ президенті (1999-2001). «Астана-Бәйтерек» әйелдер клубының вице-президенті (2001 жылдан бері). ЮНЕСКО және ИСЕСКО істері жөніндегі ҚР ¥лттық комиссиясының мүшесі (2001 жылдан). РФ Халықаралық психология ғылымдары академиясының қүрметті мүшесі (2001). «Мәдениет қайраткері» (2005) белгісімен, мерейтой мөдалімен, ҚР Президентінің Құрмөт грамотасымен марапатталған (2005). ҚР Президентінің (2001), Астана қаласы әкімінің (2009) Алғыс хатымен ескерілген.

Саяси қайраткер ретіндегі идеалы - Н.Ә. Назарбаев.

Қазақстанның болашағы туралы болжамы - «Экономикасы тұрақты, қарқынды дамушы ел».

Хоббиі - бильярд, теннис, атпен серуендеу.

Сүйіп оқитын әдебиеті - У. Шекспирдің классикасы, Анна Ахматова, С.А. Есенин, Ф. Оңғарсынованың поэзиясы.

Тұрмыс құрған. Жұбайы - Рақымов Рыспек Сәрсембекұлы, бизнесмен. ¥лдары - Хамит, Ербол. Немерелері - Бекнұр, Төлеген.[1]

Дереккөздер[өңдеу | қайнарын өңдеу]

  1. Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2