Аргулар
Аргу тайпасы – арғұ – ғұндар құрамында болған ежелгі тайпа.
Аргулардың тарихта кездесуі[өңдеу | қайнарын өңдеу]
М. Қашқари, т.б. еңбектерінде, ежелгі сына жазуында, ескі эллин, парсы, Византия жазбаларында Аргу тайпасы Аргон, Ориген түрінде кездеседі. Аргулар М. Қашқари және басқа тарихшылардың жазбаларында Талас өзенінің бойын, ежелгі Талас (Тараз), Сайрам қалаларының екі аралығын мекендейтін, түркі тілдес, саны көп ежелгі ел екендігі айтылған. Осы пікірді кейінірек Бартольд та қостайды. Қырғыз халқының Манас жырында Аргулардың Жетісу өңірін жайлағаны жөнінде мағлұмат берілген. Осы өңірден жүріп өткен Марко Поло мен Гильом де Рубриктің жазбаларында да Арғұн тайпасының географиялық орны көрсетілген. XIII ғасырдағы жазбаларда Аргудың орталығы Іле өзенінің аңғарындағы Алмалық болғаны айтылады. Әдебиетте Аргу тайпасы қазақ халқының құрамына енген Арғын тайпасының арғы тегі деген болжам бар.[1]
Дереккөздер[өңдеу | қайнарын өңдеу]
- ↑ Қазақстан тарихы. Энциклопедиялық анықтамалық. - Алматы: "Аруна LTD." ЖШС, 2006. - 768 б. ISBN 9965-26-175-X
Сыртқы сілтемелер[өңдеу | қайнарын өңдеу]
- Последние комментарии Мұрағатталған 8 ақпанның 2015 жылы.
- ШЕЙБАНИ ХАН ӘСКЕРІНІҢ ҚҰРАМЫ ТУРАЛЫ МӘСЕЛЕ Мұрағатталған 8 ақпанның 2015 жылы.