Аркадий Петрович Кукин

Уикипедия — ашық энциклопедиясынан алынған мәлімет
Jump to navigation Jump to search

Аркадий Петрович Кукин(14.8.1914, Ресей, Киров облысы,Вятские Поляны қаласы - 30.10. 1944, Венгрия, Кечкемет қаласы) - 2-дүниежүзілік соғысқа қатысушы, сержант, зеңбірек командирі. Кукин моторшылар курсын бітірген соң Кеңес шекара әскерлері қатарына шақырылды. Әскерден келгеннен кейін Шығыс Қазақстандағы алтын кен орындарында жұмыс істеді. 1941 жылдың тамызында Ұлы Отан соғысына шақырылған. 1944 жылы күзде Кеңес әскерлері Венгрия аумағына кірді. 30 қазанда 2-Украина майданы 877-артиллерия полкінің зеңбірек командирі Кукин ерекше ерлік көрсетті. Венгрияның Кечкемет қаласы маңында жау 40 танк және моторлы жаяу әскерлерімен қарсы шабуыл жасап, Кеңес атқыштар бөлімшелерін ығыстыра бастады. Кукиннің зеңбірегі тұрған жерге жау танкілері, олардың соңынан бронетранспортерлер, зеңбіректі жаяу әскерлер қосылды. Кукин оларға оқ атып, алдыңғы танкіні істен шығарды. Расчет жауынгерлері қаза тапты. Ол зеңбірекке еңбектеп барып, снарядпен жаудың өздігінен жүретін зеңбірегін жойды. Неміс әскерлері позицияға басып кірді. Кукин соңына дейін шайқасты. Осындай қаһармандық пен батырлық көрсеткені үшін Кукинге КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (24.3.1945).[1]

Дереккөздер[өңдеу]

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х