Арман Оразбайұлы Қырықбаев
| Арман Оразбайұлы Қырықбаев | ||||
| Лауазымы | ||||
|---|---|---|---|---|
| ||||
| 24 ақпан 2025 жылдан бастап | ||||
| Президент | Қасым-Жомарт Тоқаев | |||
| Ізашары | Руслан Желдібай | |||
| ||||
| 9 наурыз 2024 — 24 ақпан 2025 | ||||
| Президент | Қасым-Жомарт Тоқаев | |||
| Ізашары | лауазым пайда болды | |||
| Ізбасары | Қанат Құлшыманов | |||
| Өмірбаяны | ||||
| Партиясы | Аманат | |||
| Дүниеге келуі | 20 қазан 1976 (49 жас) Целиноград | |||
| Жұбайы | Қырықбаева Ғалия Мұратбекқызы | |||
| Балалары | 1 | |||
өңдеу  | ||||
Арман Оразбайұлы Қырықбаев (20 қазан 1976 жыл, Целиноград) — қазақстандық саясаткер, 2025 жылдан бастап Президенттің ішкі саясат мәселелері және коммуникациялар жөніндегі көмекшісі.
Биографиясы
[өңдеу | дереккөзін өңдеу]1976 жылы 20 қазанда Целиноград қаласында дүниеге келген. Дулат тайпасы Сиқым руынан шыққан.[1]
1992 жылы Жезқазған облысы, Приозерск ауданының Шашубай кентінде (қазіргі - Қарағанды облысы, Ақтоғай ауданы) №7 мектебін бітірді.
1992-1996 жылдары Қазақ Мемлекеттік Экономикалық Университетінде «халықаралық экономикалық қатынастар» мамандығы бойынша оқыды. Еңбек жолын 1996 жылы Қазақстан Республикасы Сыртқы істер министрлігінің ТМД және Балтия елдері басқармасының референті ретінде бастады.
1997 жылғы сәуір-мамыр айларында Қазақстан Республикасы Сыртқы істер министрлігінің ТМД департаментінде атташе болып қызмет атқарды.
1997 жылдың мамырында Қазақстан Республикасының Өзбекстандағы елшілігіне атташе ретінде тағайындалды. 1999 жылғы наурыз-2000 жылғы шілде аралығында Қазақстан Республикасының Өзбекстандағы елшілігінің үшінші хатшысы қызметін атқарды.
2000 жылдың тамыз айында Қазақстан Республикасы Сыртқы істер министрлігінің жолдамасымен Қазақстан Республикасы Сыртқы істер министрлігінің Дипломатиялық академиясына оқуға түсіп, оны тәмәмдағаннан кейін ТМД Комитетінің Орта Азия және Закавказье бөлімінде Екінші хатшы болып қызмет етті.
2002 жылғы қазаннан бастап «Корпорация «АВЕ» ЖАҚ Стратегия және маркетинг департаментінің директоры, кейін Корпоративтік даму департаментінің директоры.
2004 жылғы қарашадан 2005 жылғы наурызға дейін «К-МАРТ» ЖШС бас директоры міндетін бірлесе атқарды.
2005 жылғы наурыз-мамырда Алматы қаласы Медеу ауданы әкімінің орынбасары, 2005 жылғы мамырдан 2006 жылғы сәуірге дейін Алматы қаласы Жастар саясатын дамыту қорының директоры қызметтерінде болды.
2006 жылдың сәуірінен 2008 жылдың ақпанына дейін Мәдениет және ақпарат министрлігі қоғамдық-саяси жұмыс және қоғаммен байланыстар департаментінің директоры, ал 2008 жылғы ақпаннан бастап 2010 жылғы қаңтарға дейін Мәдениет және ақпарат министрлігінің Мәдениет комитетінің төрағасы болып қызмет етті.
2010 жылдың қаңтарынан 2012 жылдың ақпаны аралығында Қарағанды облысы әкімінің орынбасары қызметін атқарды.
2012 жылдың ақпан айынан бастап Мәдениет және ақпарат вице-министрі. Министрлікте ақпарат, тіл саясаты, ішкі саясат мәселелеріне басшылық етті.[2].
2014-2015 жылдары «Нұр Отан» партиясы Төрағасының бірінші орынбасары Бауыржан Байбектің кеңесшісі болды. 2015-2019 жылдары Байбек Алматы қаласының әкімі болған уақытта қала әкімінің орынбасары, 2019-2022 жылдары «Nur Otan» партиясы төрағасының бірінші орынбасары болған кезде партия хатшысы лауазымдарын атқарды.
2022 жылы Алматыға қайта оралып, 2024 жылға дейін Алматы қаласы әкімінің орынбасары болып қызмет етті.
2024-2025 жылдары Президент Әкімшілігінде Коммуникациялар бөлімінің меңгерушісі болды.[3]
2025 жылғы 24 ақпанда Мемлекет басшысының Жарлығымен Президенттің ішкі саясат мәселелері және коммуникациялар жөніндегі көмекшісі болып тағайындалды.[4] 2025 жылғы қазаннан 2026 жылға дейін Парламенттік реформа жөніндегі жұмыс тобы жетекшісінің орынбасары болды.[5] 2026 жылы Конституциялық реформа жөніндегі комиссияның мүшесі болды.[6]
Отбасы
[өңдеу | дереккөзін өңдеу]Үйленген, жұбайы — Қырықбаева Ғалия Мұратбекқызы. Фатима атты бір қызы бар.[7]
Дереккөздер
[өңдеу | дереккөзін өңдеу]- ↑ Ә.Дәуітбеков Сиқым Тоғатай шежіресі — Шымкент: ЖШС Кітап, 2015. — ISBN 978-601-7404-68-0.
- ↑ Мәдениет және ақпарат вице - министрі Қырықбаев Арман Оразбайұлы(қолжетпейтін сілтеме)
- ↑ Қырықбаев Арман Оразбайұлы
- ↑ Арман Қырықбаев Президенттің ішкі саясат мәселелері және коммуникациялар жөніндегі көмекшісі болып тағайындалды
- ↑ Парламенттік реформа жөніндегі жұмыс тобы құрылды: оның құрамына кім кірді
- ↑ Конституциялық реформа жөніндегі комиссияны (Конституциялық комиссия) құру туралы
- ↑ Арман Оразбайұлы Қырықбаев