Арман реквиемі
| Арман реквиемі | |
| ағылш. Requiem for a Dream | |
 | |
| Жанры | |
|---|---|
| Режиссёрі | |
| Продюсері |
Эрик Уотсон |
| Негізі | |
| Сценарийдің авторы |
кіші Хьюберт Селби |
| Басты рөлдерде | |
| Операторы | |
| Сазгері | |
| Қоюшы суретші |
Джеймс Чинланд |
| Кинокомпания |
Thousand Words |
| Дистрибьютор |
Artisan Entertainment (АҚШ) |
| Ұзақтығы |
102 мин[2] |
| Бюджеті | |
| Кассалық түсімі |
7,4 млн$[4] |
| Мемлекет | |
| Тілі | |
| Шыққан жылы | |
| IMDb | |
«Арман реквиемі» (ағылш. Requiem for a Dream) — режиссер әрі сценарийші Даррен Аронофскидің кіші Хьюберт Селбидің аттас романы желісімен түсірген америкалық психологиялық драмалық фильмі. Басты рөлдерді Эллен Бёрстин, Джаред Лето, Дженнифер Коннелли және Марлон Уайанс сомдады. 2001 жылы фильм «Үздік әйел рөлі» (Эллен Бёрстин) номинациясы бойынша «Оскар» және «Алтын глобус» сыйлықтарына үміткер болды.
Сюжеті
[өңдеу | дереккөзін өңдеу]Басты кейіпкерлер: анасы — Сара (Эллен Бёрстин) және ұлы — Гарольд Голдфарб (Джаред Лето); Гарольдтың құрбысы — Мэрион Силвер (Дженнифер Коннелли) және Гарольдтың досы — Тайрон Лав (Марлон Уайанс).
Романдағыдай, фильмдегі оқиға желісі жылдың үш мезгілінде — жазда, күзде және қыста өрбиді.
Жаз
[өңдеу | дереккөзін өңдеу]Сара — Брайтон Бичтегі (Бруклин) пәтерде жалғыз тұратын егде жастағы жесір әйел. Ол уақытының көп бөлігін теледидар алдында өткізеді. Әсіресе оған адамдардың өз тәбетін жеңгені (диета, ет пен қанттан бас тарту) туралы жарнамалық шоу қатты ұнайды. Сараның өзі болса көп мөлшерде шоколад және басқа да калориясы жоғары тағамдарды тұтынады.
Оның ұлы Гарри кейде үйге келіп, теледидарды ескі-құсқы сатып алушыға өткізу үшін ұрлап әкетеді, ал түскен ақшаға есірткі сатып алады. Сара әр уақытта теледидарды кейін қайта сатып алып отырады.
Бірде «Малин мен Блок» телестудиясынан қоңырау шалып, оны өзінің сүйікті шоуларының біріне қатысуға шақырғанда, оның өмірі күтпеген жерден жаңа мәнге ие болады. Сара телешоуда мүмкіндігінше әсерлі көрінгісі келеді; ол шашын бояп, өзінің сүйікті қызыл көйлегін кимекші болады, бірақ оған тым толып кеткенін байқайды.
Сара диета ұстауға тырысады, бірақ одан ештеңе шықпайды; содан кейін ол дәрігерді ұсынған құрбысына жүгінеді. Дәрігер оған құрамында амфетамин бар таблеткаларға рецепт жазып береді. Бір күні анасына келген Гарольд бұл таблеткалардың оның мінез-құлқына қатты әсер ететінін байқап, Сарадан оларды қабылдауды тоқтатуды сұрайды. Сара ұлына күйеуі қайтыс болғаннан кейінгі жылдарда қаншалықты жалғыз қалғанын айтып береді; салмақ тастау және теледидарға шығу мүмкіндігі оны құрбыларының алдында маңыздырақ етіп көрсетеді.
Бұған есеңгіреген Гарольд ұят сезімін бастан кешіріп, анасына жиі келіп тұруға және өзінің қызы Мэрионмен таныстыруға уәде береді. Үйге қайтар жолда Гарольд анасына деген аяныш пен ұяттан еңкілдеп жылайды, бірақ кезекті дозаны қабылдағаннан кейін тынышталады.
Осы уақытта Гарольд пен Тайрон есірткі саудагері ретінде ақша таба бастайды. Олар таза дозаны сатып алып, оны екі есе араластырып, бұрынғы бағамен қайта сатады. Достардың ісі алға басып, олар үлкен ақшаны оңай табады. Гарольд пен Мэрион жоспар құра бастайды: олар сән дүкенін ашуды армандайды, өйткені Мэрион бойында сәнгерлік қабілет барын сезеді. Тайрон үшін бұл қаржылық табыс — көше өмірінің қатыгездігінен қашып, тыныштық пен бақытта өмір сүру мүмкіндігі еді.
Күз
[өңдеу | дереккөзін өңдеу]Күздің келуімен Сараның таблеткаға тәуелділігі артып, дозасы үнемі өсіп отырады. Онда галлюцинация басталады. Бұл туралы ол дәрігерге айтқанда, дәрігер жаңа рецепт жазып беріп, дәріні бір апта бойы осы нұсқаулықпен қабылдауды тапсырады.
Галлюцинация күшейіп, агрессивті сипат алады, ал Сара біртіндеп шынайы өмірден қол үзеді. Осы уақыт ішінде ол өзін шақырған телебағдарламадан хат күтумен болады, бірақ хабар-ошар болмайды.
Сонымен қатар, достардың да басына қиындық туады: қалада мафия соғысы басталып, есірткі тапшылығы орнайды. Тайрон қамауға алынып, оның досы әрі негізгі есірткі жеткізушісі Броди өлтіріледі. Гарольд пен Мэрион Тайронды түрмеден шығару үшін ұзақ уақыт бойы жинаған ақшасын кепілдікке жұмсайды.
Келесі бірнеше айда доза табу қиындай түседі. Жұпқа тек күн сайын үнемі өсіп келе жатқан тәуелділікке әрең жететін дозаны сатып алу ғана қалады. Ақша тез таусылып, жаңа доза табу мақсаты бірінші орынға шығады. Мэрион есірткіге ақша табу үшін өзіне жеккөрінішті адаммен жыныстық қатынасқа түседі, бірақ Гарольд бұған бас ауыртпайтын күйге жетеді. Гарольд пен Мэрион жиі ұрсысып, бір-бірін кінәлай бастайды. Олардың қарым-қатынасы күннен-күнге нашарлай береді.
Есірткі тек Рождество қарсаңында — сыйлық ретінде — қолында әлі де жоғары сапалы «тауары» бар санаулы дилерлердің бірі арқылы сатылады. Осындай есірткі саудагерлерінің бірімен азық-түлік дүкенінің қоймасында кездеспек болған Гарольд пен Тайрон кезекке тұрып, есірткі сатып алуға тырысады, бірақ тобырдың агрессивті мінез-құлқына байланысты мәміле бұзылады.
Осы уақытта Мэрион «ломка» қысқаннан өзінің сызбалары мен үй заттарын қиратып тастайды. Гарольд дозасыз оралып, Мэрионмен жанжалдасады. Ашу үстінде ол оған жыныстық қызмет үшін есірткі ұсынатын «Бала Джонның» телефонын қалдырады.
Бұл кезде Сара бүкіл емделу курсындағы ең үлкен дозаны қабылдап жібереді де, арты сұмдық галлюцинацияға ұласады. Елестер әлемінде оның сүйікті телешоуының студиясы өз пәтеріне көшіп келгендей болады, ал көрермендер, бағдарлама жүргізушісі, тіпті оның өзі — әдемі, халықтың сүйіктісі әрі танымал образы — қазіргі мүшкіл халі мен өмір салтына күледі. Құтырған тоңазытқыш та оған тап береді.
Осы қорқынышты көріністерден зәресі ұшқан Сара пәтерінен қашып шығып, өзін бағдарламаға қашан шақыратынын өз көзімен білу үшін студияға қарай бет алады.
Қыс
[өңдеу | дереккөзін өңдеу]Соңғы сәтсіздіктен еңселері түскен Гарольд пен Тайрон Флоридаға аттанып, осы тұйық шеңберді бұзбақшы болады, өйткені олар ол жақта есірткі әлдеқайда қолжетімді деп есептейді. Жолда тоқтаған кезде Гарольд есірткі егетін тамырына инфекция түскенін байқайды, бірақ соған қарамастан, шіри бастаған етке бәрібір ине салады; бұдан кейін оның жағдайы тіпті нашарлап, зарарлану одан әрі тарала береді.
Тайрон досын ауруханаға жеткізеді. Гарольдті көрген дәрігер оның нашақор екенін бірден түсініп, бұл туралы полицияға хабарлайды. Екеуі де тұтқындалып, түрмеге жабылады.
Осы уақытта Мэрион, Гарольдтің кеңесімен, «Бала Джон» есімді сутенерге келеді. Жыныстық қатынастан кейін «Бала Джон» Мэрионға өзі ұйымдастыратын оргия туралы айтып, оған қатысса, бұдан да үлкен доза ала алатынын жеткізеді. Алғашында Мэрион бас тартады, бірақ есірткісі таусылған соң, амалсыз келіседі.
Телестудиядағы драмалық оқиғадан кейін Сараны психиатриялық ауруханаға жібереді; онда оның қолын байлап, дәрі егеді және күштеп тамақтандырады.
Гарольд түрмедеге жалғыз қоңырау шалу құқығын Мэрионмен байланысу үшін пайдаланады. Ол жақында келетінін айтады, ал Мэрион оны күтетінін жеткізеді.
Тиісті емнің болмауынан Гарольдтің қабынуы гангренаға айналған соң, оның қолын кесіп тастайды. Сараның ағзасы амфетаминдерді ұзақ қолданғандықтан дәрі-дәрмекке иммунитет қалыптастырған, соның кесірінен ол электрошокпен емдеу курсын алады. Ол бұл процедураға жартылай ес-түзсіз күйде келісім береді. Тайрон түрмеде қалып, онда «ломка» азабын тартады және түрме қызметкерлері тарапынан қорлық көреді. Мэрион доза алу үшін «Бала Джонның» оргиясына келіп, қонақтардың көңілін көтеру мақсатында басқа әйелмен анальды жыныстық қатынасқа түседі.
Фильм басты кейіпкерлердің тағдырына соңғы көзқараспен аяқталады. Бұл көрініс Кронос-квартет ұжымының орындауындағы «Lux Aeterna» атты ауыр музыкалық композициямен сүйемелденеді. Гарольд ауруханада есін жиғанда Мэрионды шақырады. Медбике оның соңынан адам жіберуді ұсынады, бірақ ол Мэрионның келмейтінін айтып жауап береді. Сара қажыған, жансыз қабыққа айналып, жүйке ауруларына арналған клиникада жатады. Тайрон тән азабын тартып, түрмедегі алғашқы түнін бастан кешеді және көптен бері жоғалған анасын еске алады. Мэрион оргиядан кейін үйде, өзі жыртып тастаған эскиздерінің ортасында, қолына есірткі пакетін қысқан күйі диванда жатады.
Барлық кейіпкерлер адам эмбрионының бірдей қалыбында бүктеліп жатыр.
Соңғы кадрлар Сараны және амфетаминді ұзақ уақыт қолданғаннан кейін оның миында пайда болған ессіз елестерді көрсетеді: ол көптен күткен шоуда өзін сәнді әрі әдемі күйде көреді. Сара бас жүлдені жеңіп алған; оның ұлы Гарольд — табысқа жеткен және үйленгелі жатқан жас жігіт. Анасы мен ұлы көпшіліктің қолпаштаған айқайы мен сахна шамдарының жыпылықтауы астында бір-бірін құшақтап, жақсы көретіндіктерін айтады.
Рөлдерде
[өңдеу | дереккөзін өңдеу]| Актёр | Рөлі |
|---|---|
| Эллен Бёрстин | Сара Голдфарб |
| Джаред Лето | Гарольд (Гарри) Голдфарб |
| Дженнифер Коннелли | Мэрион Силвер |
| Марлон Уайанс | Тайрон Лав |
| Кристофер Макдональд | тележүргізуші Тэппи Тиббонс |
| Луиза Лассер | Ада |
| Марк Марголис | Рабинович мырза |
| Дилан Бейкер | дәрігер |
| Бен Шенкман | Спенсер |
| Кит Дэвид | Үлкен Тим, сутенёр |
| Дениз Дауз | Тайронның анасы |
Саундтрегі
[өңдеу | дереккөзін өңдеу]Саундтректің композиторы — Клинт Мэнселл, ол бұл туындыны Кронос-квартет ішекті аспаптар ансамблімен бірге жазған. Ішекті квартетке арналған аранжировканы Пулитцер сыйлығының лауреаты, композитор Дэвид Лэнг жазған. Саундтрек өте жылы қабылданып, кейіннен басқа да фильмдер мен сериалдардың трейлерлерінде түрлі үлгіде қолданылды.
Дереккөздер
[өңдеу | дереккөзін өңдеу]- ↑ McNary, Dave Summit pins 'Wrestler'. Variety. (21 October 2007). Басты дереккөзінен мұрағатталған 5 қараша 2021. Тексерілді, 5 қараша 2021.
- ↑ REQUIEM FOR A DREAM (18). British Board of Film Classification. (November 23, 2000). Басты дереккөзінен мұрағатталған 16 сәуір 2014. Тексерілді, 1 қаңтар 2013.
- ↑ Cox, Dan Artisan, Aronofsky in tune on 'Requiem'. Variety. (19 March 1999). — «Budget on "Requiem" is roughly $4.5 million.» Басты дереккөзінен мұрағатталған 7 желтоқсан 2025. Тексерілді, 23 қараша 2020.
- ↑ Requiem for a Dream (2000). Box Office Mojo. (January 1, 2002). Басты дереккөзінен мұрағатталған 13 ақпан 2013. Тексерілді, 28 ақпан 2022.
Сыртқы сілтемелер
[өңдеу | дереккөзін өңдеу]- Фильмнің ресми сайты Мұрағатталған 14 ақпанның 2015 жылы. (ағыл.) (дизайн студиясының мұрағатында)