Армияның қорғаныс операциясы

Уикипедия — ашық энциклопедиясынан алынған мәлімет
Jump to navigation Jump to search

Армияның қорғаныс операциясы (АҚО) — қарсыластың басым күштерінің шабуылын тоқтату, оның әскерлерін шығынға ұшырату, маңызды шептерді (аудандарды) ұстап тұру, уақыт ұту және шабуылға көшуге жағдай жасау мақсатында жалпы әскери (танктік) армия әскерлерінің бірыңғай мәнді және жоспармен жүргізілетін, мақсаты, тапсырмасы, орны мен уақыты келісілген қорғаныс ұрыстарының, соққыларының және маневрлерінің жиынтығы. Сонымен қатар, армияның қорғаныс операциясысы қарсыластың басып кіруін тойтару, майданның негізгі күштерінің жазылуын қамтамасыз ету мен олардың шайқасқа ұйымдасқан түрде кіруі мақсатында жүргізілуі мүмкін. Армияның қорғаныс операциясы, әдетте, майданның қорғаныс операциясының бөлігі болып, майданның басқа әскерлерімен, ал теңіз жағалауындағы бағыттарда флот күштерімен өзара бірлікте атқарылады; жеке бағыттарда армия корғаныс операцияларын өз бетімен жүргізуі мүмкін. Қазіргі уакыттағы көзқарастар бойынша, армияның қорғаныс операциясына басты бағыттарға негізгі күштерді шоғырландыру, күш пен құралдарды терең эшелондандыру және оларды бытырата орналастыру, қорғаныс жүргізудің әр түрлі амалдарын қолдану, атыс, бөгеттер мен әскер маневрін кең қолдану, бір мезгілде бірнеше бағыттарда ұрыс іс-әрекеттерін жүргізу және белсеңділік тән. Қорғаныс шептері мен позицияларының жүйесінде: қамтамасыз ету алкабы, негізгі корғаныс алқабы (1-корғаныс шебі), кейде 2-қорғаныс алқабы (аралық шеп), әрқайсысы жеке-жеке позициялардан түратын армияның қорғаныс шептері, жеке аудандар мен тораптар корғанысы, сонымен бірге аралық және бөлік корғаныс шептері мен позициялары болуы мүмкін. Армияның қорғаныс операциясы кезінде қарсыласты атыспен жою атыс жүйесі арқылы жүзеге асырылады, оған қолдаушы ракеталық әскерлер мен авиацияның дайындалған атысты соққылары да едәуір үлес косады. Атысты жүйе инженерлік бөгеттер жүйесімен, ал ядролық қару қолданған кезде ядролық соққылармен де келісіліп ұйымдастырылады. Армияның қорғаныс операциясы қарсыластың жазылып, шабуылға жылжып келе жаткан оскерлеріне сокқы беруден немесе оның лап қоюын тойтарудан, ал кейде атысты қарсы дайындықтан басталуы мүмкін. Армияның қорғаныс операциясыға 1,2-эшелондағы қорғаныс іс- әрекеттері, армиялық қарсы соққы жүргізу, ракеталық әскер мен артиллерияның, авиацияның, әуе шабуылына қарсы қорғаныс әскерлерінің, армияға бағынышты арнайы әскерлердің, армиялық резервтердің ұрыстык іс-әрекеттері кіреді.[1]

Дереккөздер[өңдеу]

  1. Қазақ тілі терминдерінің салалық ғылыми түсіндірме сөздігі: Әскери іс. Алматы: «Мектеп» ААҚ, 2001 жыл