Шардара (қала)

 Басқа мағыналар үшін Шардара деген бетті қараңыз.

Қала
Шардара
Әкімшілігі
Ел	ҚазақстанҚазақстан
Облысы	Оңтүстік Қазақстан облысы
Ауданы	Шардара ауданы
Тарихы мен географиясы
Координаттары	41°15′ с. е. 67°58′ ш. б.41.250° с. е. 67.967° ш. б. / 41.250; 67.967
Тұрғындары
Тұрғыны	30 845 адам (2010)
Сандық идентификаторлары
Автомобиль коды	13
Шардара
Шардара шекарасы

Шардара – Оңтүстік Қазақстан облысы қала (1968 жылдан), Шардара ауданының орталығы. Облыс ортасы – Шымкент қаласынан оңтүстік-батысқа қарай 300 км жерде, Сырдария өзеннің оң жағын ала, Шардара бөгенінің жағасында орналасқан. Қаланың аумағы 21,24 мың км². Тұрғыны 25,5 мың адам (2003). «Шардара» – көне парсы тілінен аударғанда «Төрт қақпа» дегенді білдіреді. Шардара қаласының аумағында 8 ғасырда егіншілігі, қолөнері, мәдениеті дамыған отырықшы тұрғыны бар үш қала-қамал болған: Бірінші Ақтөбе, Екінші Ақтөбе, Жаушықұмтөбе. 1959 – 68 ж. Сырдария кенті аталып келді. Қала Мелдеби, Қызылжар, Абай, Төменгі тоғай, Өтеғұл мөлтек аудандарынан тұрады. Шардарада «Шардара су электр станциясы» ААҚ, «Шардара мақта» АҚ, «Қазақстан мақтасы» корпорациясының филиалы, «Мырзакент» АҚ, «Шардаранан» АҚ, құрылыс материалдар комбинаты, «Шардара су-жылу жүйелері» ЖШС, «Будан» ЖШС, «Талапты» ӨК, «Шардарабалық», орман шаруашылығы, Шардара мемлекеттік қазыналық балық өсіру кәсіпорны, «Автосервис» орталығы, асфальт зауыты, т. б. кәсіпорындар қала экономикасын көтеруде. Шардарада орталығы емхана, туберкулезге қарсы диспансер, санитарлық-эпидемиологиялық стансасысы жұмыс істейді. Білім беру, мәдениет саласы бойынша кәсіптік-техникалық мектеп, жалпы білім беретін, музыкалық, спорт мектептері, мәдениет үйі, орталығы кітапхана, «Ұлы Отан соғысында қаза тапқандар» мемориалдық ескерткіші бар.

Cілтемелер

Оңтүстік Қазақстан облысының энциклопедиясы