Әбдікәрім Ахметов

Үлгі:Қорық аймақ‎ Ахметов әбдікәрім  (15.6.1924, Қызылорда обл. Қармақшы кенті — 14.12.1982, Алматы) — ақын. Мәскеудегі Әдебиет ин-тында оқыған (1951). Баспа, полиграфия және кітап саудасы істері жөніндегі мемл. к-тте (1971 — 82 ж.), “Жазушы” баспасында аға редактор болды. Тұңғыш жинағы “Өлеңдер” 1953 ж. жарық көрді. “Халықбек” (1954), “Екінші дәптер” (1955), “Нан туралы сөз” (1957), “Өшпеген жалын” (1959), “Толқындағы өмір” (1962), “Салқын самал” (1966), “Көктөбе” (1969), “Ашық аспан” (1971), “Жерұйық” (1973), “Жапырақ жауған шақ” (1979), “Кеш жарық” (1981), “Көзайым” (1982), “Зейнет” (1984, таңдамалы) т.б. өлеңдер мен поэмалар жинақтары басылды. Кейбір шығармалары орыс тілінде жеке кітап болып шықты. А.С.Пушкиннің, М.Ю.Лермонтовтың, А.Т.Твардовскийдің жекеленген өлеңдерін, С.Я.Маршактың “Біздің герб” (1972), Э.Межелайтистің “Таңдамалы” (1971), “Дайнаның күнделігі” (1983), Ю.Тувимнің “Өлеңдер мен поэмалар” (1969), В.Федоровтың “Ақ қайың” (1983), Л.Украинканың “Таңдамалы” (1971), Бердақтың “Әмудария әуендері” (1973, таңдамалы) жинақтарын, сондай-ақ поляк ақыны Т.Зелинскийдің “Қазақ” (1964), корей ақыны Те Га Геннің “Жер туралы жыр” (1958) поэмасын қазақ тіліне аударған. Қызылорда обл-ндағы Тасбөгет кентінің орталық көшелерінің біріне оның есімі берілген.