Дәуіт Пайғамбар: нұсқалар арасындағы айырмашылық

Jump to navigation Jump to search
ш
(нақтылау)
ш (→‎Кіріспе бөлімін өңдеді: Дәуіт Пайғамбар)
{{Ислам пайғамбарлары}}{{Ислам}}
'''Дәуіт''' - [[Пайғамбар]]. Исраил қауымы [[Мұса]]дан (а.у.)-нан соң 300 жылдан аса Пайғамбарсыз қалып, [[ғамалиқа]]лардың, [[арамейлер]]дің және [[палестина|палестиндердің]] шабуылына тап болып тұрды. Соңғы кездері бәни Исраилдің әміршісі [[Талут]] (Шәул) болды. Ол палестиндерге соғыс жариялан, ''«Таурат»'' салынған Табутты (сандықты) тартып алды. Осы тұста Исраил қауымынан Дәуіт атты жас баһадүр шықты. Бала жігіт бір соғыста Жалутпен жекпе-жекке шығып, жеңді. Бұған риза болған Талут оған өз қызын қосты. Сан шайқаста жауларды жайратқан Дәуіттің аты шығып, беделі асты. Көп адам енді оны қолбасшы ғана емес, елбасы етуді талап етті. Бірақ ол патша тағына Талут қайтыс болған соң, 30 жасында отырды, 40 жасында Пайғамбарлық қонды. Қауымына Таурат тағлымдарын бұлжытпай орындатты. Аллаһ Тағала оған самауи (көктен түскен) төрт кітаптың бірі Забурды түсірді. [[Забур]] - Аллаһның бірлігін, ұлылығын дәріптейтін, өлең үйқасты мадақ (қасида) кітабы. Дәуіт (а.у.) Оны өзінің әсем дауысымен оқығанда тыңдаушылар тебіреніп, төңірек түгел үн қосып кететін еді, деп дәріптеледі. Тәңірі оған темір қорыту өнерін дарытты. Пайғамбар қолында темір қамырдай иленуші еді дейтін риуаяттар бар. Дәуіт (а.у.) темірден қару-жарақ сауыт-сайман соғады екен. [[Сүлеймен пайғамбар]] осы Дәуіттің ұлы. Дау-шар, айтыс-тартыста Дәуіт оны жиынға қатыстырып, әділ үкім айтқызып, баулып өсірген. Ибну Жадридің айтуынша Дәуіт жүз жасаған. [[Құран]]да бұл есім 16 жерде ауызға алынады.<ref>Ислам. Энциклопедиялық анықтамалық. Алматы: “Аруна Ltd.” ЖШС, 2010 ISBN 9965-26-322-1</ref>
 
'''Дәуіт пайғамбар қиссасы'''
Дәуіт әрі пайғамбар, әрі патша болды. Ол «әділ патша атанам» деп, жұпыны киініп, елді аралап жүретін. Кездескен адамынан:
– Патшаңыз қандай кісі? – деп сұрайды екен. Олар жарыса:
– Патшамыз өте әділ. Біреуге қылдай қиянат қылған емес. Тақта отырса да, елдің жағдайын бес саусағындай біліп отырады. Көреген әрі ақылды, – деп мақтаса, көңілі марқайып қалады екен. Бір күні базардағы етікшіден:
– Патшаңыз қалай, жақсы ма? – деп сұрады. Қарт:
– Жоқ, нашар. Үнемі елді аралап, қыдырып жүреді. Жаны қиналып кәсіп қылмайды. Халықтың есебінен ішіп-жейді, – деді. Бұл сөз Дәуіттің жүрегіне ауыр тиді. Ол Құдайға:
– Иә, Алла, нанымды адал тауып жейін. Маған өнер үйрет, – деп жалбарынды. Алла оған сүйек тістеген бір итті жіберіп:
– Ақылды болсаң, осы иттен кәсіп үйрен, – деді. Дәуіт «ит маған не үйретеді?» деп қомсынып тұрды. Сол кезде ит алдыңғы екі аяғын айқастырып, сүйек мүжиді. Дәуіт иттің аяқпен жасаған амалына қарап, қысқаш ойлап табады. Жаңа сайман темірді қысуға өте ыңғайлы боп шыға келеді. Ұлық Алла ит екеш иттен арланбай өнер үйренгені үшін оған риза болып, ұсталық қасиет дарытады.
Дәуіт ұсталықты кәсіп етіп, адал нан табады. Ол көптеген құрал-сайман жасап, елдің игілігіне жаратады. Сырға, білезік соғып, зергерлікті дамытады. Осылайша ел арасында «Зергердің пірі – Дәуіт пайғамбар» деген сөз қалыпты. '''''"Әлдиден эпосқа дейін" кітабынан алынған'''''
 
'''Дәуіт пен Әзірейіл періште қиссасы'''
Бірде Дәуіт пайғамбар мен Әзірейіл періште сұхбаттасып отырғанда, олардың үстіне Дәуіттен қарыз сұрап бір жігіт кіріп келді. Дәуіт оған ақша берді. Ол кеткен соң, жан алушы періште:
– Ей, Дәуіт, сен мына жігітке қарыз беріп жатырсың. Құдайдың әмірімен жігіттің жанын жеті күннен соң аламын. Ол ажалынан бейхабар. Ақыретпен ісі жоқ. Сауда жасаймын деп сенен қарыз алып жатыр, – деді.
Арада екі апта өткен соң, жігіт Дәуітке қарызын қайтарады. Пайғамбар оның тірі жүргенін көріп, Әзірейілден:
– Мына жігіт сау-саламат әлі жүр ғой, – деп сұрады. Сонда Әзірейіл:
– Жоқ, Дәуіт. Жігіттің ажалы толып еді. Сенің үйіңнен шығып бара жатып, жолда қайыршы жетім баланы көрді. Оған мейірімі түсіп, қолындағы бар ақшасын бере салды. Жетім бала қуанып «Аға, Алла сізге өмір берсін! – деді. Жетімнің тілегі қабыл болып, Алла оның ғұмырын ұзартты. Несібесін көбейтті, – депті.
«Садақа бәлені жояды» деген нақыл сөз осыдан қалған екен. ''"Әлдиден эпосқа дейін" кітабынан алынған''
 
'''Дәуіттің отыз ұлы'''
Дәуіт пайғамбардың отыз ұлы болған екен. Бірде құлшылық уақыты таяғанда, ол ұлдарын ертіп мешітке келеді. Халық жиналып үлгермепті. «Отыз ұлым да бір жамағат қой» деп, жұртты күтпестен, ұлдарымен ғибадатты бастап кетті. Намазда екі жаққа сәлем беріп жатып, «Расында да өзімнің әулетім бір қауым ел екен» деп астамшылық ойлады. Намаз бітіп, бата жасаларда, отыз ұлы сәждеден тұрмай қалды. Дәуіт секем алып, тіксініп қалды. Астамшылық ойлап, халықты күтпегені үшін, Алла оның отыз ұлына сол мезетте қаза жеткерген екен. Қателігін түсінген Дәуіт қырық күн бойы бас көтермей, Алладан кешірім сұрап, жатып алды. Рахман Құдай оның күнәсін кешіп, Дәуітке:
– Отыз ұлыңды қайтарып берейін бе? Әлде отызына татитын бір ұл берейін бе? – деді. Дәуіт:
– Аллаға екі еткен жараспайды. Пендесі Оның жіберген қазасымен таласпайды. Құдай салды, біз көндік! Отызына татитын тағы да бір ұл бер, – деді. Ұлық Алла тілегін қабыл алып, көп кешікпей ұлды болды. Есімін Сүлеймен деп қойды. ''"Әлдиден эпосқа дейін" кітабынан алынған''
 
==Дереккөздер==
7

өңдеме

Бағыттау мәзірі