Франтишек Палацкий

Палацкий Франтишек
František Palacký
Палацкий Франтишек
Туған күні
Қайтыс болған күні	26. 5. 1876
Қайтыс болған жері	Прага
Ұлты	Чех
Қызметі	чех тарихшысы, философ
Жұбайы	Тереза Мехурова

Палацкий (Palacky) Франтишек (14. 6. 1798, Годславице, Моравия,— 26. 5. 1876, Прага) —19 ғасырдағы чех тарихшысы, философ, мәдениет және чех ұлттық қозғалысының қайраткері. Палацкийдің философиялық еңбектері («Эстетиканың обзорлық тарихы», 1823; «Әсемдік туралы ғылым», 1827) ұлттық қайта өркендеу дәуіріндегі тұңғыш филос. шығарма болды. Чехияның орта ғасыр тарихынан, әдебиеті мен чех жылнамасынан аса мол деректемелер жариялады. Палацкий Чехия тарихы жөнінде көптеген зерттеу жұмыстарының авторы. Оның басты еңбегі — «Чехия мен Моравиядағы чех халқының тарихы» (ежелгі заманнан 1526 жылға дейін). Палацкий гусшылдар қозғалысын чех ұлттық тарихының аса маңызды кезеңі деп есептеді. Оның еңбектері чех мәдениеті, ұлт-азаттық қозғалысы дамуында елеулі роль атқарды. 40 жылдары Палацкий чех буржуазиялық ұлттық либералдық қозғалысының басшысы. 1848—1849 жылдардағы революция кезінде австрославизм (Австрия империясын қайта құру) программасын ұсынды. 1848 ж. Прагада славяндар съезін басқарды. 40 жылдардың аяғы мен 60 жылдардың басына дейін (19 ғ.) Австрия рейхсраты мен чех сеймінің депутаты. 60 жылдардан чех І буржуазиясы консерваторлық қанаты идеялық көсемдерінің бірі.