Қарсақ

Қарсақ (Vulpes corsak) – ит тұқымдасы, түлкі туысына жататын жыртқыш. Дене тұрқы 50 – 60 см, құйрығы – 25 – 35 см. Түлкіге қарағанда құйрығы үлкен, тұмсығы сүйір. Құйрығының ұшы қара қоңыр. Қазақстанда таулы, орманды аймақтардан, Қызылқұм, Мойынқұмнан басқа барлық жерде кездеседі. Ақпанда ұйығып, сәуірде 2 – 6 күшік туады. Тереңдігі 1 – 2 м, ұзындығы 4 – 6 м ін қазады, кейде түлкі, борсық інін мекендейді. Жемін түнде аулайды. Майда сүт қоректілерді, құс, насеком, қоян, түрлі тышқандарды жейді. Қар қалың жылдары жылы жаққа қоныс аударады. Бағалы терісі үшін ауланады. Қысқы терісі өте бағалы.

Пайдаланған әдебиет

“Тараз энциклопедиясы”