Аманжолов атындағы Шығыс Қазақстан университеті

Сəрсен Аманжолов атындағы Шығыс Қазақстан Мемлекеттік Университет
Университет атауы
Халықаралық атауы	Sarsen Amanzholov East Kazakhstan State University
Жалпы сипаттамасы
Құрылған жылы	1952
Түрі	Мемлекеттік университет
Орналасуы
Орналасқан жері	Қазақстан, Өскемен
Мекенжайы	30-Гвардиялық дивизия, 34, Өскемен қ.
Әкімшілік
Ректоры	Қуандықов Əлібек Усербаевич
Негізгі көрсеткіштер
Сайты	http://www.vkgu.kz

Сәрсен Аманжолов атындағы Шығыс Қазақстан Мемлекеттік Университеті, (ШҚМУ) – жаратылыстану және гуманитарлық бағытта білім беретін жоғары оқу орны.

• 1952 ж. Өскемен педагогикалық институты ретінде құрылған.
• 1991 ж. университет мәртебесі берілді.
• 2003 жылдан С.Аманжолов есімімен аталады.

Университетте бакалавриатта – 40, магистратурада – 18 мамандық бойынша кадр даярлау жүзеге асырылады. 2 ғылыми мамандық бойынша доктарантура, 12 ғылыми мамандықта аспирантура жұмыс істейді. Университет 1952 жылдан бері Қазақстанның шығыс өңірлері үшін 50 мыңнан аса маман даярлап шығарды. Қазіргі күні 8 факультеті мен көпсалалы коледжінде 11 мыңнан астам студент оқиды. 34 кафедрада 800-ден астам оқытушы еңбек етуде. Университеттің ғылыми және оқытушылық ұжымын қалыптастыруда елімізге белгілі ғалымдар: Е.Мәмбетқазиев, Ж.Уәлиев, А.Темірбеков, т.б. үлкен еңбек етті. Университеттің Моңғолияда шетелдік бөлімшесі жұмыс істейді. Университетте Н.Ә. Назарбаев атындағы Жоғары инновациялық білім беру технологиялар орталығы (ЖИБТО) ашылған. Оның негізгі мақсаты электронды оқу материалдарын, электронды кітапханалар, мультимедиалы зал, оқу бағдарламаларын, электронды оқыту құралдарын, т.б. дайындау болып табылады. Жалпы университеттік электронды ақпараттық желі және білім беру порталы жұмыс істейді. Университеттің 5 ғылыми-зертеу институтында, 4 ғылыми-зерттеу зертханасында, Түркітану орталығында негізгі және қолданбалы зерттеу жұмыстары жүргізіліп келеді. Университет бастамасымен жыл сайын облыстық “Мамандарды даярлау мен қайта даярлаудың өзекті мәселелері” атты ғылыми-практикалық семинарлар өткізіліп тұрады. Мемлекеттік тілді үйренудің тиімді тәсілдеріне арналған арнайы компьютерлік бағдарламалар енгізілген.