Англия — АҚШ футбол матчы (ӘЧ-1950)

Англия — АҚШ футбол матчы (ӘЧ-1950)
Турнир	Футболдан әлем чемпионаты 1950
Англия АҚШ 0 1
Стадион	Индепенденсия, Белу-Оризонти

Англия — АҚШ футбол матчы (ӘЧ-1950) — 1950 жылғы әлем чемпионатындағы футбол кездесуі. Әлем чемпионатына алғаш барған Англия құрамасы топтық турнирдің екінші матчында күтпеген жерде АҚШ құрамасынан 0:1 есебімен ұтылып қалған. Бұл ойын әлем чемпионаттары тарихындағы ең шулы сенсациялар қатарына кіреді.

Ойын 1950 жылы 29 маусым күні Белу-Оризонтиде өтті.

Матчқа дейін

Англия құрамасы бұған дейінгі әлем чемпионаттарына бойкот жасап қатысқан жоқ. 1950 жылы олар бірінші рет әлем чемпионатына барды. Ол кезде Англия құрамасы әлем футболының бойтұмары саналатын. 1950 жылғы әлем чемпионатында жеребе бойынша ағылшындар Испания, Чили, АҚШ клубтарымен бір топқа түсті де, квартеттің фавориті саналды.

АҚШ құрамасы болса, 1930 жылғы әлем біріншілігінде жартылай финалға шыққаны болмаса, ойнап жарытып жүргені шамалы еді. 1930 жылдан кейін қатарынан жеті матчта қарсыластарына 2:45 есебімен ұтылды! 1950 жылғы матчтың қарсаңында ағылшын басылымдары "әлемде футболды тек эскимостар мен солтүстік америкалықтар ғана ойнай алмайды" деп жазғанынан-ақ АҚШ құрамасының сол кездегі қауқарын аңдауға болатын еді.

АҚШ құрамасы Бразилияға ұшардан алдын бір жолдастық кездесу өткізді. Басқа-басқа емес, болашақ қарсыластары Англия құрамасымен ойнап, 0:1 есебімен ұтылып қалды. "Минималды есеппен ғана ұтуға әзер шамасы жетті" деп Англиядағы БАҚ өкілдері футболшыларын күлкіге айналдырды.

Ал чемпионат басталардан алдын америкалықтардың бас бапкері Билл Джеффри бұл есепті сәттілікке балап, "әлем чемпионатындағы жағдай басқаша, біз ол жерде тең түсеміз деп те үміттенбейміз" деп сұқбат берді. Өзінің футболшыларын не қылса да үндемей көне беретін кәдімгі қойға теңеді. Ағылшын газеті Daily Express болса, "бәрі де әділетті болу үшін, ағылшындар әлем чемпионатында олардың қақпасына үш гол соқса да жеткілікті, қарсыласты қатты ренжітуге болмайды" деп жазды.

Топтық турнирдің алғашқы матчнда Англия құрамасы Чилиді 2:0 есебімен ұтты, ал АҚШ футболшылары Испаниядан 1:3 есебімен ұтылып қалды. 29 маусым күні жергілікті уақыт бойынша 15:00-де қос құрама Белу-Оризонтидегі "Индепенденсия" стадионында алаңға шықты.

Матч

29 маусым 1950	Англия {{{есеп}}} АҚШ Голдар Джо Гэтьенс	Индепенденсия, Белу-Оризонти Көрермендер саны: 10 151 Төреші: Дженерозо Даттило

United States

England

GK Фрэнк Борги RB Харри Кио LB Джо Мака RH Эд Макилвенни (к) CH Чарль Коломбо LH Уолтер Бар IR Джино Париани IL Джон Соуза OR Фрэнк Уоллас OL Эд Соуза CF Жо Гэтьенс Бапкер: Билл Джеффри

GK Берт Уильямс RB Альф Рамсей LB Джон Астон CH Билли Райт (к) MF Лори Хьюз MF Джимми Дикинсон FW Уилф Маннион FW Том Финней FW Джимми Маллен FW Стэн Мортенсен FW Рой Бентли Бапкер: Уолтер Уинтерботтом