Шығанақ

Шығанақ

Шығанақ – мұхит, теңіз, көлдің құрлыққа сұғына еніп жатқан және негізгі су айдынымен еркін, тұрақты су алмасатын бөлігі. Гидрологиялық және гидрохимиялық режимдері жағынан да шығанақ негізгі су айдынымен тығыз байланысты. Кей жағдайларда климаттың жергілікті ерекшеліктерінің және құрлықтық ағын әсерінен шығанақ суының беткі қабаттарында өзіндік гидрологиялық ерекшелік болуы мүмкін.

Бенгал шығанағы

Дүние жүзіндегі ірі шығанақтар

• Аляска шығанағы
• Бенгал шығанағы
• Бискай шығанағы
• Үлкен Австралия шығанағы
• Гвинея шығанағы

Кейде Дүниежүзілік мұхиттың гидрологиялық режимдері жөнінен теңіз саналатын айдындары да шығанақ деп аталады; мысалы, Мексика шығанағы, Гудзон шығанағы, Парсы шығанағы, Калифорния шығанағы. Шығанақ түрлері: қойнау, фьорд, қайыр (лагуна), көлтабан, т.б.