Ералы Лұқпанұлы Тоғжанов

Ералы Лұқпанұлы Тоғжанов
Лауазымы
Маңғыстау облысының әкімі
14 наурыз 2017
Президент	Нұрсұлтан Назарбаев
Ізашары	Алик Серікұлы Айдарбаев
Өмірбаяны
Білімі	Қарағанды мемлекеттік университеті
Мамандығы	құқықтанушы
Дүниеге келуі	13 мамыр 1963 (1963-05-13) (60 жас) Шағатай, Ақжайық ауданы, Орал облысы, Қазақ КСР, КСРО
Жұбайы	Үйленген
Балалары	Қыздары - Аяжан (1989 жылы туған), Айғаным (1991 жылы туған), Бақыттыгүл (1994 жылы туған), Минура (2008 жылы туған)

Ералы Лұқпанұлы Тоғжанов (1963 жылдың 13 мамырда туған, Шағатай ауылы) – Маңғыстау облысының әкімі.

Өмірбаяны

1963 жылы 13 мамырда Орал облысының Ақжайық ауданындағы Шағатай ауылында туған. Қазақ.

Қарағанды мемлекеттік университетінің заң факультетін бітірген (1988), құқықтанушы. Заң ғылымдарының кандидаты (1995).

Кандидаттық диссертациясының тақырыбы: «Сібір қазақтары облысын басқару және Ресейдің Шығыс саясатындағы оның орны (1822-1868)».

1980 жылдан - Орал облысы Ақжайық ауданы Октябрь орман шаруашылығының жұмысшысы.

1981 жылдан - Кеңес Әскерінің қатарында қызметте.

1983 жылдан - Қарағанды мемлекеттік университетінің студенті, 1988 жылдан - мемлекет пен құқықтың теориясы және тарихы кафедрасының оқытушысы.

1991 жылдан - ҚР ҒА Мемлекет және құқық институтының аспиранты, ғылыми қызметкері.

1996 жылдан - Қазақ мемлекеттік заң университеті мемлекеттік қызмет жене халықаралық құқық факультетінің деканы.

1999 жылдан - «Қазақ мемлекеттік заң академиясы» РКҚК Құқық және мемлекеттік қызмет институтының директоры (Астана).

2001 жылдан - Қарағанды облысы әкімінің орынбасары.

2006 жылдан - ҚР Әділет министрлігінің дін жөніндегі комитетінің терағасы.

2008 жылдан бері - Қазақстан халқы Ассамблеясы төрағасының орынбасары, ҚР Президенті Әкімшілігінің Қазақстан Халқы ассамблеясы хатшылығының меңгерушісі.

Жеке өмірі

Хоббиі - спорт (футбол, волейбол).

Үйленген. Жұбайы - Тоғжанова Гүлнар Сапарғалиқызы (1968 жылы туған). Қыздары - Аяжан (1989 жылы туған), Айғаным (1991 жылы туған), Бақыттыгүл (1994 жылы туған), Минура (2008 жылы туған).