Боб Кейн

Боб Кейн (ағылш. Bob Kane; 24 қазан 1915 — 3 қараша 1998) — америкалық комикс жазушысы, Бэтмен суперқаһарманы жайлы комикстердің соавторы ретінде танымал. Ұзақ уақыт бойы Кейнді Бэтменнің және оған қатысты кейіпкерлердің жалғыз авторы деп саналып келді. Алайда Бэтменнің нағыз авторы - Билл Фингер. Ол бәрімізге белгілі Бэтменнің бейнесін ойлап шығарған. Кейн өз кезегінде Билл Фингердің жұмыстарын өзіне меншіктеп алып, Фингер салған беттерді өз атынан ұсынып отырған. Осының нәтижесінде барлық құрмет-қошемет лайықсыз Боб Кейнге бұйырды, ал Фингер «елес авторға» айналды.

Биографиясы

Жастық шағы

Роберт Кан De Witt Clinton High School мектебін бітірген. 18 жасында аты-жөнін ресми түрде Боб Кейн деп өзгертеді. Ол болашақ «Спирит» комиксінің авторы Уилл Айзнермен дос болған. Боб Cooper Union-де оқып, кейіннен Макс Фляйшердің студиясында 1934 жылы стажёр-аниматор ретінде жұмыс істейді.

Ересек кезі және қарттығы

1989 жылы Кейн «Бэтмен және мен» атты автобиографияны жазады. 1996 жылы «Бэтмен және мен, Сага жалғасады» (ағылш. Batman and Me, The Saga Continues) атты екінші томды жарыққа шығарды.

Кейн 1998 жылы 3 қарашада дүниеден озды. Артында Элизабет Сандерс Кейн («Бэтмен қайтып оралады», «Бэтмен мәңгілік», «Бэтмен және Робин» фильмдерінде Гертидің рөлін сомдаған) есімді жесірі, қызы және немересі қалды. Кейн Калифорния, Лос-Анжелестегі Голливуд белестерінің Голливуд-Хиллс зиратында жерленген. Жерлеу рәсімі Нью-Йоркте өтті.