Кедейлік: Нұсқалар арасындағы айырмашылық

Уикипедия — ашық энциклопедиясынан алынған мәлімет
Навигацияға өту Іздеуге өту
Content deleted Content added
Жаңа бетте: '''''Кедейлік''''' – жеке адамның, отбасының немесе әлеуметтік топтың қажетті игіліктер құнын өзі т...
(Айырмашылық жоқ)

17:11, 2011 ж. маусымның 21 кезіндегі нұсқа

Кедейлік – жеке адамның, отбасының немесе әлеуметтік топтың қажетті игіліктер құнын өзі төлей алмайтын экономикалық жағдайы, яғни өзінің өмірлік қажеттерін қамтамасыз етуге жағдайының жетіспеуі немесе негізгі тұрмыстық қажеттерін қанағаттандыру мүмкіндіктерінің жоқтығы.Кедейлік салыстырмалы түрде белгілі бір қоғамдағы тұрмыстың деңгейіне, қоғамдық байлықтың бөлінуіне байланысты болатын процесс. Оның пайда болуының негізгі себептері – саяси, экономикалық және демографиялық жағдайлар, саяси-экономикалық дағдарыс, жұмыссыздық, жалақы мен зейнетақының күнкөріс минимумынан төмендігі, халықтың әлеуметтік тұрғыдан нашар қорғалуы. Кедейліктің асқынуы халық бұқарасының жаппай қайыршылануына апарып соқтыруы мүмкін. Кедейлік, материалдық жоқшылық рухани кедейлікке ұласады. Мұның салдары елде түрлі қылмыстың етек алуына, азғындыққа апарып соқтырады.Кедейлік әлемнің барлық елдерінде бұрын да болған, қазір де бар. Экономистер Қазақстанда да кедейліктің есебін халықтың алатын айлығына, күнделікті сұраныс тауарларының бағасына қарай, яғни “тұтыну себеті” бойынша шығаруға тырысуда. 1999 жылдың аяғы мен 2000 жылдың басынан бастап Қазақстанның экономикалық өрлеу кезеңіне аяқ басуы халықтың “тұтыну себетін” көтеруге, күнкөріс минимумының мөлшерін бірте-бірте көбейтуге, еңбекақы мен зейнетақының ең төменгі шегін көтеруге, жұмыссыздықты азайтуға мүмкіндік туғызды. Мемлекет тарапынан қолға алынып отырған ауылды дамыту бағдарламасы да кедейлікті жоюға елеулі ықпалын тигізген.[1]

Сілтемелер

  1. ”Қазақстан Энциклопедиясы”