Таушық

Ауыл
Таушық
Әкімшілігі
Ел	ҚазақстанҚазақстан
Статусы	Ауылдық әкімдігі орталығы
Облысы	Маңғыстау
Ауданы	Түпқараған
Ауылдық округі	Таушық
Әкімі	Шалқыбай Әзірбай
Тарихы мен географиясы
Координаттары	44°20′58″ с. е. 51°21′06″ ш. б.44.34944° с. е. 51.35167° ш. б. / 44.34944; 51.35167
Құрылған уақыты	1930
Жер аумағы	115,6 км²
Уақыт белдеуі	UTC+5:00
Тұрғындары
Тұрғыны	2604 адам (2009)
Тығыздығы	24,5 адам/км²
Сандық идентификаторлары
Автомобиль коды	12
Таушық Таушық
Таушық шекарасы

Таушық — Маңғыстау облысы Түпқараған ауданындағы ауыл, Таушық ауылдық әкімдігі орталығы.

Географиялық орны

Аудан орталығы Форт-Шевченко қаласынан оңтүстік-шығысқа қарай 88 км жерде орналасқан. Ақтау-Қаражанбас-Қаламқас жолына 8 км батысқа қарай орналасқан.

Халқы

1999 жылы тұрғындар саны 2116 адам (1083 ер адам және 1033 әйел адам) болса, 2009 жылы 2604 адамды (1347 ер адам және 1257 әйел адам) құрады.

Тарихы

Іргесі 20 ғасырдың 30-жылдарының басында қаланған.

Өнеркәсібі және ауыл шаруашылығы

Ауыл мағында көмір кен орны бар. Соның негізінде мұнда 1932-39 жылдары “Тау еңбек” көмір өндіретін артель жұмыс істеді. 1939-46 жылдары “Маңғышлақ көмір тресі” орналасты. 2- дүниежүзілік соғыс жылдарында мұнда көмір өндірілді. 1993 жылдан тас көмір қайтадан өндіріле бастады. Таушықта бұрынғы “Жаңажол” түйе кеңшарының негізінде шұбат өндірумен айналысатын шаруа қожалығы құрылды. Шығыс жағынан 4 км жерден Ақтау – Қаражанбас – Қаламқас мұнай құбыры өтеді және мұнай айдау стансасы орналасқан.

Көрікті орындар

Таушық округі аумағында “Дәніспан”, “Итолы”, “Шақпақ-Ата”, т.б. көпке танымал қорымдар мен тарихи ескерткіштер бар.

Инфрақұрылымы

Ауылда «Таушық ауыл шаруашылығы» ЖШС, мешіт, 1 орта мектеп, ауылдық емхана, балабақша, мәдениет үйі, кітапхана, «Қазпошта» АҚ-ның ауылдық бөлімшесі, байланыс бөлімі, 12 сауда нүктесі, орталық базар, полиция бөлімшесі, тігін шеберханасы, мейрамхана, 34 шаруа қожалығы қызмет істейді.