Бейімбет Бәйектіұлы Ермұқанов

ЕРМҰҚАНОВ Бейімбет Бәйектіұлы (10.6.1936 ж.т., Астрахан обл. Володар ауд. Тюрин а.) – тарих ғыл. докт. (1980), проф. (1982), Қазақстанның еңбек сің. жоғары мектеп қызметкері (1986). ҚазМУ-ды (1960, қазіргі ҚазҰУ) және Мәскеу ун-тінің аспирантурасын (1963), СОКП ОК жанындағы Қоғамдық ғыл. академиясының докторантурасын (1965) бітірген. Алматы жоғары партия мектебінде аға оқытушы, доцент, проф. (1967–87), Алматы пед. шет тілдер ин-тының (1987–92, қазіргі Қазақ халықар. қатынастар және әлем тілдері ун-ті) ректоры, ҚазҰПУ-да кафедра меңгерушісі (1992–2000) болып істеді, 2000 жылдан осында проф. қызметін атқарады. «Борьба всеобщей конфедерации труда Франции за единство действий профсоюзов» деген тақырыпта докт. дисс. қорғады. Е. 100-ден астам ғыл.-зерт. еңбектің авторы. Оның есімі жалпы тарих саласындағы («Борьба ФКП за единство действий рабочего класса и левых сил», «Франция: профсоюзы и проблемы единства». 1958–78; «Казахстан: историко-публицистический взгляд», 1997; «Ежелгі Қазақстанның этникалық тарихы», «Хазарлар мен қазақтар: тарихи байланыс», 1998; «Қазақстанның көне тарихы», 1999; «Қазақстан: тарихи-публицистикалық көзқарас», 2000; т.б. кітаптары) тұңғыш қазақ ғалымы ретінде белгілі. Вьетнамның Хошемин қ-ның құрметті азаматы.