Вильярреал (футбол клубы)

Вильярреал
Толық атауы	«Вильярреал» футбол клубы (ис. Villareal Club de Fútbol S.A.D., кат. Villa-real Club de Futbol S.A.D.)
Лақап аттары	"El Submarino Amarillo (Сары түсті сүңгуір қайық)"
Құрылған жылы	1923
Стадионы	Эль-Мадригал
Сыйымдылығы	23 500
Иесі	Фернандо Роч Альфонсо
Президенті	Фернандо Роч Альфонсо
Бас жаттықтырушы	Унаи Эмери
Рейтингі	30-шы орын УЕФА
Сайты	Ресми сайты
Жарыс	Ла Лига
2019/20	5 орын
Негізгі форма Қонақтық форма
Футболдан Испания Чемпионаты 2020/21

Вильярреал (ис. Villareal Club de Fútbol S.A.D., кат. Villa-real Club de Futbol S.A.D.) — Вильярреаль қаласындағы испан футбол клубы.

Тарихы

Алғашқы жылдар

Вильярреал 1923 жылдың 10 наурызында Villareal CD спорт клубы ретінде құрылды. Сол жылы стадионды 60 песетаға жалдап, билет бағасын ерлерге жарты песета, балаларға песетаның төрттен бір бөлігі ретінде қойды. Алғашқы ойынын клуб 1923 жылдың 21 қазанында Кастельон клубына қарсы ойнады. Вильярреалдың алғашқы формасы ақ және қара түстерден тұрды.

1929 - 2000

Вильярреал 1929-30 жж. аралығы Валенсия аймағының жарыстарында өнер көрсетті. 1934-35 жылғы маусымда Вильярреал Екінші дивизионға шығу ойынында Картахенаға жеңіліп қалды. Испан азамат соғысы алдында клуб келесі маусымда аймақтың Бірінші дивизионын жеңді.

Соғыс біткен соң клуб 1939 жылдан 1951 жылға дейін тағы да Екінші дивизионда өнер көрсетті. 1942 жылы Вильярреал атауын Villareal CAFқа ауыстырып, жаңа сары түсті формамен ойнай бастады. Клуб атауындағы «F» әрпі Foghetcaz сөзін, яғни жеңіл атлетика клубы деген мағына берді.

1954 жылы Вильярреал тағы да өзінің атауы мен эмблемасын өзгертті. 1956 жылы клуб Бірінші аймақтық лигасын жеңіп, Терсера лигада өнер көрсету құқығына ие болды. 1960-61 жылғы маусымда Вильярреал 14 орында тұрақтап, қайтадан Бірінші дивизионға төмендетілді.

Клуб қазіргі атауы мен эмблемасы 1966 жылдың жазында қолданысқа енгізілді. 1966-67 жылғы маусымда Вильярреал қайтадан Терсера Лигасына оралды. 1970 жылы клуб алғаш рет Сегунда Бға жолдама алды. 1975-76 жж. маусымда клуб Терсера до Регионалеске дейін төмендетіліп, келесі маусымда қайта оралды.

1986–87 жылғы маусымда Вильярреал Сегунда Лига Бға дейін көтерілді. 1990 жылы ол жарысты 18-ші орынмен бітіріп, қайтадан Терсера лигаға оралды.

Клуб Сегунда Бны екінші орынмен бітіріп, алғаш рет Сегундаға жолдама алды. 1992-93 жылғы маусымда Вильярреал Сегундада төмен орындар алды. Бірақ 1997-98 жылғы маусымда клуб Сегундада төртінші орынға қол жеткізіп, Ла Лигаға жолдама алу ойынына қатысу құқығына ие болды. Ол ойында Вильярреал Компостеламен екі рет тең түсіп (есеп 1:1; 0:0), қонақтағы доп бойынша жеңіске жетті.

Вильярреал Ла Лигадағы алғашқы ойынын 1998 жылдың 31 тамызында Реал Мадридке қарсы өткізді. Өз алаңындағы алғашқы ойынын бір аптадан кейін Сельтаға қарсы ойнады. Бұл маусым Вильярреал үшін қиын болып, 1999-2000 жылғы маусымда клуб Аделанте лигаға төмендетілді. Бұған қарамастан Вильярреал сол жылы Аделантеде үшінші орын алып, Ла Лигаға қайта оралды.

Соңғы жылдары

13 мамыр, Вильярреал Атлетико Мадридке жеңілгеннен кейін, Лига Аделантеге дейін төмендетілді. Сәтсіз маусымнан кейін клуб тағы бір жаман хабар алды. 6 маусым, Вильярреалдың сол кездегі бас бапкері - Мануэль Пресиадо жүрек талмасынан қайтыс болды. Бұдан басқа бас жұлдыздарының жаппай клубтан кетуі басталды (оның ішінде Борха Валеро, Диего Лопес Родригес, Джузеппе Росси және Нилмар болды).

Сегундадағы бір жылынан кейін Вильярреал лигада екінші орынға қол жеткізіп (Эльчеден кейін), Ла Лигаға қайта оралды.

Клуб 2013-14 жылғы Ла Лиганы жақсы бастады; Вильярреал өзінің алғашқы үш ойынын ұтты. Жеңісті серия Реал Мадридке 1:0 есебімен жеңілісінен кейін аяқталды. Осы маусымды Вильярреал 6-ншы орынмен аяқтап, Испанияның атынан УЕФА Еуропа лигасының іріктеу кезеңіне жолдама алды.

2014-15 жылғы маусымды Вильярреал тағы да 6-ншы орынмен аяқтады.

Дербилер

Клубтың басты қарсыластарымен ойындары дербиге айналған. Бұлар: «Валенсия» клубымен ойын - Бірлестік дербиі (ис. Derby de la Communitát) және «Кастельон» клубымен ойын - Провинциялық дерби (ис. Derby de la Plana).

Жетістіктері

Ұлттық

• Ла Лига
  • Күміс жүлдегер (1): 2007–08
• Сегунда Лига
  • Жеңімпаз (3): 1997–98, 1999–00, 2012–13
• Сегунда Лига Б
  • Күміс жүлдегер (2): 1987–88, 1991–92
• Терсера Лига
  • Жеңімпаз (1): 1970

Еурокубоктар

• УЕФА Чемпиондар Лигасы
  • Жартылай финалист (1): 2005–06
• УЕФА Кубогы/УЕФА Еуропа Лигасы
  • Жартылай финалист (2): 2003–04, 2010–11
• УЕФА Интертото Кубогы
  • Жеңімпаз (2): 2003, 2004

Танымал футболшылар

\Бұл ойыншылар «Вильярреал» сапында 100 немесе одан да көп матч өткізгендер, клубпен бірге турнир сұрмергендер атанғандар, халықаралық турнирлерге және өз елдерінің ұлттық құрамасында ойнаған ойыншылар.

Кике Альварес Серхио Асенхо Хави Вента Виктор Фернандес Марио Гаспар Альваро Гонсалес Антонио Гуайре Хавьер Кальеха Кани Жоан Капдевила Санти Касорла Саму Кастильехо Хауме Коста Анхель Лопес Диего Лопес Хорхе Лопес Хосе Мари Жерар Морено

Томас Пина Пепе Рейна Виктор Руис / Маркос Сенна Бруно Сориано Ману Тригерос Хосико / Родольфо Арруабаррена / Матео Мусаккио Рикельме, Хуан Роман Рикельме / Гонсало Родригес / Хуан Пабло Сорин Рамиро Фунес Мори / Хуан Пенья Нилмар / Джузеппе Росси Карлос Бакка

Хавьер Акино / Джовани дос Сантос / Джонатан дос Сантос / Гильермо Франко / Икечукву Уче Самуэль Чуквуезе / Эрнан Перес / Денис Черышев Салим аль-Давсари Антонио Рукавина Нихат Кахведжи / Диего Годин / Диего Форлан / Робер Пирес / Матиас Фернандес Антонио Валенсия