Алла Илчун

Алла Илчун
Туған күні	1926 (1926)
Туған жері	Харбин
Қайтыс болған күні	8 наурыз 1989 (1989-03-08)
Қайтыс болған жері	Париж
Азаматтығы	Франция
Белсенді жылдары	1947-1967
Жұбайы	1-күйеуі: Майк де Дюлмен 2-күйеуі: Игорь Мухин
Модельдік ақпарат
Белі	47-49
Агенттігі	Christian Dior SE Yves Saint Laurent

Алла Илчун (1926, Харбин — 8 наурыз 1989, Париж) — қазақтан шыққан Dior моделі. Кристиан Диордың музаларының бірі.

Өмірбаяны

Алла Ильчунның отбасы мен ата-бабалары туралы ақпарат онша көп емес. Оның әкесі Жуанхан Илчун теміржол инженері болған деген болжам бар. Ол Қазақстанда өмір сүрген бай әкесінің арқасында лайықты білім ала алды. Ол Түрксібтің құрылысына қатысып, революция қарсаңында Харбинде болды. Бұл қала Қытай-Шығыс теміржолының станциясы ретінде құрылып, сәйкесінше Харбинде көптеген орыстар өмір сүрді. Жуанхан Илчун мұнда опера әншісі, әдемі Татьянамен (Тамара) кездесті. Олар отбасын құрып, көп ұзамай олардың қызы Алла дүниеге келді.

Бірнеше жылдан кейін Жапония интервенциясы Манджурияда орын алды. 1935 жылы Жуанхан отбасысын теміржол көлігімен Шанхайға көшіруге шешім қабылдады. Осы уақытта Тамараның туған сіңлісі атыста қайтыс болды, бірақ Жуанхан әйелі мен қызын Францияға бет алған норвегиялық кемеге отырғызып үлгерді. Бұл 1936 жылы, жапондықтардың Шанхайдан кемелердің кетуіне тыйым салғаннан тура бір жыл бұрын болды.

Жуанханның одан арғы тағдыры әлі белгісіз: 1936-1937 жылдар аралығында оны бай отбасына тиесілі болғандықтан большевиктер тұтқындап, өлтірді деген болжам бар; басқа нұсқа бойынша, Жуанхан Қарағандыдағы ГУЛАГ құрбаны болды.

Францияға келген Тамара ұзақ уақыт жұмыс таба алмады: оның Шанхайлық тіс дәрігері дипломы бұл жерде қабылданбады. Алайда, ол өзінің бір кездері ән салуға әуес болғанын есіне алып, Париж консерваториясына түсіп, оны сәтті аяқтады.

Сондай-ақ, Тамараның екінші рет тұрмысқа шыққаны туралы ақпарат бар.

Содан кейін Екінші дүниежүзілік соғыс басталды, өте жас Алла Ильчун француздық қарсыласу қатарында шайқасты. Алла кінәгинялар Тамара Волконская және Ариадна Скрябинамен иық тіресіп, Францияның оңтүстік-батысында көше шайқастарына қатысты.

1947 жылы Алла кездейсоқ сол кездегі көпшілікке танымал емес Кристиан Диордың сән үйінің кастингіне тап болды. Алла дизайнерге батыл дизайн шешімдері үшін шабыт беріп, өзінің сән үйіне бүкіл әлемге танымал болғанға дейін, онда 10 жыл бойы, Диор қайтыс болғанға дейін жұмыс істеді. Талғампаздығы мен 47 сантиметрлік беліне масаттанған Диор қызды сән көрсетіліміне қатысуға шақырды, көп ұзамай ол оның басты музаларының біріне айналды.

1949 жылдан бастап Франциядағы, Англиядағы, АҚШ-тағы, Бразилиядағы, Жапониядағы, тіпті, Аустралиядағы барлық әйгілі басылымдар сол кездегі француз сәнгері Кристиан Диордың үміткеріне айналған қытайдан шыққан Алла Илчунның кербез моделі туралы фотосуреттер және жазбалармен толықты.

Алла Илчун моделге ерекше көрінісімен - шығыс биік жақ сүйектерімен, нүктелі иектерімен, қысық көздерімен Еуропаның сәнді әлемін бірден жаулап алды. Айтпақшы, әйгілі көз ұзын сызықты таныстырған Алла болатын. Бүкіл әлемдегі әйелдер оның бейнесіне еліктеп, ерекше көңіл аудартатын көз сызығы макияжын көшіріп алды. 50-жылдары пайда болған бұл сән жылдар өте келе сақталды: қыздар әлі де сызықтарды жақсы көреді.

Диор еуропалық фигура мен азиялық келбеттің үйлесуіне таңданды. Алла Dior шыққан арман әйел болатын. Олардың достығы 20 жылға созылып, тек 1957 жылы Диордың кенеттен қайтыс болуымен ғана үзілді, ол қайтыс болғаннан кейін Алла тағы онжылдықты подиумда Ив Сен-Лораннан шыққан киімдерді киді.

Диор Алланың кез келген қылықтарын кешіріп отырды. Газет кесінділері арқылы Нью-Йоркта болған жанжал жайлы белгілі болды. Алла американдық еркектер жөнінде қатты сөздер айтып, жергілікті басылымға сұхбат берді. Келесі күні Диор Алланы Францияға шақырды. Америкалық баспасөз шындықты айтқаны үшін әйгілі манекенші мансабының аяқталғаны туралы жазды. Алайда, бір күн өткен соң ештеңе болмағандай подиумға қайтып оралды. Өйткені, Алла жетістіктің қайнаркөзі болатын, көрсетілімнен кейін көйлектер Марлен Дитрих сияқты танымал актрисалар, монархтардың әйелдері және сондай басқада ханымдардың гардеробында болатын.

Алла Илчун моделдік мансабын жасы келгенде аяқтады. Ол уақытында және әдемі болып тұрғанда кетуді шешті. Илчун фотосессияларға қатысуын қойды, сұхбаттар бермеді және жабық өмір салтын ұстанды.

Таңғажайып Алла алты тілде еркін сөйлей алатын (ағылшын, француз, неміс, итальян, испан, орыс) және киімдерді көрсетіп қана қоймай, оның пішімін, тігісін, сән үрдісі туралы да егжей-тегжейлі әңгімелей білді.

Диордың музасы Алла Илчун 1989 жылы 8 наурызда жүрек ұстамасынан 63 жасында көз жұмды. Бикенінің жаназасын Париждегі Невский соборында Алла Мухина ретінде шығарды.

Жеке өмірі

Алланың бірінші күйеуі тегі поляк, саясат және экономика ғылымдарының докторы, граф Майк де Дюлмен болды. Онымен болған некеде Марк есімді ұл бала туды (немесе 2 бала).

Екінші күйеуі Игорь Мухин.

Шығармада

• XX ғасырдың ортасында суретші Леон Цейтлин Алла Илчунның құпиялы бейнесін суретіне түсірді. 2018 жылы қазақстандықтардың Франциядағы өкілі Берлин Иришев моделдің портретін көріп, оның тағдырына қызығушылық танытты. 2018 жылы жазында сурет Ә. Қастеев атындағы өнер мұражайында бір ай бойы көрмеге қойылды.
• Б. Иришевтың Алла Илчун туралы «Dior музасы. Алла Илчунның тарихы» (Муза Dior. История Аллы Ильчун) атты кітабы жарыққа шықты.

Сілтеме

• «Dior музасы. Алла Илчунның тарихы» кітабының тұсаукесері
• Алла Илчун туралы Revue бағдарламасында  (орыс.)
• Кристиан Диор мен Ив Сен Лоранның музасы – қазақ қызы Алла Илчун жайлы. Astana арнасында  (қаз.)
• Кристиан Диордың жүрегін жаулаған қазақ қызы. Hit tv channel арнасында  (қаз.)