Конус

Конус

Конус (лат. conus, грек. konos) – 1) Конус немесе конустық бет – белгілі бір сызықтың (бағыттаушы) барлық нүктесін кеңістіктің берілген нүктесімен (төбесімен) қосатын түзулердің (жасаушыларының) геометриялық орны. Егер бағыттаушы түзу сызық болса, онда Конус жазықтыққа айналады. Егер бағыттаушы өзінің төбесімен бір жазықтықта жатпайтын 2-ретті қисық сызық болса, онда 2-ретті Конус шығады. Дөңгелек Конус немесе тік дөңгелек Конус 2-ретті Конустың қарапайым түрі, оның бағыттаушысы шеңбер болады, ал төбесі осы шеңбер центріне ортогональ проекцияланады; 2) элементар геометрияда дөңгелек Конус деп бағытталған шеңбері бар, дөңгелек Конустың бетімен және оның осіне перпендикуляр жазықтықпен шектелген геометриялық денені айтады. Оның көлемі V=r2h/3, ал бүйір беті S=rl. Егер Конусты бірінші жазықтыққа параллель жазықтықпен қиып өтсек, онда қиық Конус шығады , оның көлемі V=(R2+r2+Rr)h/3-rе, ал бүйір беті S=(R+r)l-ге тең болады.

Пайдаланылған әдебиет

"Қазақ Энциклопедиясы", 11 - том