Қауымдастық

Қауымдастық (лат. associatio - құрама) - бірлестік, одақ; ортақ шаруашылық мақсатқа жету үшін (мысалы, пайда үлесін, салынған капиталға дивиденд алу үшін), сондай-ақ саяси, ғылыми, мәдени немесе өзгедей мақсаттарға жету үшін ұйымдардың (кәсіпорындардың, мекемелердің) немесе жеке тұлғалардың шарт негізінде бірігуі. Халық шаруашылығының бір немесе бірнеше саласының кәсіпорындары жұмыс істеп тұрған қауымдастықтардың құрамына дербес кіре алады немесе жаңа қауымдастықтар — өнім өндіру, жұмыстарды орындау, қызметтер көрсету және қатысушыларға (Қауымдастық субъектілеріне) қызмет жасау, өндірісті дамытуға және әлеуметтік салаға бірлескен күрделі қаржы жұмсау, ғылыми зерттеулер мен тәжірибелік-құрастырымдық жұмыстар жүргізу, жабдықтау мен өткізуді, сыртқы экономикалық қызмет пен басқа да қызмет түрлерін ұйымдастыру жөніндегі ерікті бірлестіктер құра алады.

Бір немесе бірнеше өндірістік-шаруашылық қызметтерді бірігіп жүзеге асыру мақсатында құрылған кәсіпорындардың шарттық бірігуі.