Абылай хан даңғылы (Алматы)

Даңғылға қазақтың ұлы ханы, үш жүздің ба- сын біріктіріп, қазақ жерін жоңғарлардан біржо- ла азат еткен, ұлтты ұйытқан кемеңгер көсем Абылай ханның есімі (Алматы қаласы әкімінің 23.10.1991 ^ 15/398 шешімі) берілген. Даңғыл қаланың Алмалы және Жетісу аудан- дарында орналасқан. Ол солтүстіктен оңтүстікке қарай, Алматы-2 темір жол вокзалынан баста- лып, Абай даңғылына дейінгі аралықта созылып жатыр. Көше Жамбыл, Бөгенбай батыр, Төле би, Қазыбек би, Айтеке би, Гоголь, Мақатаев, Мәметова, Райымбек көшелерін қиып өтеді. Даңғыл екі бағытты жол болып есептеледі. Бұрынғы атаулары: а) Старокладбищенская; ә) Вокзал; б) Сталин; в) Коммунистік проспектісі. Даңғылдың ұзындығы - 4200 метр. Даңғыл бойында өнер ордалары, көрнекті ғимараттар орналасқан. Олар: Ғ.Мүсірепов атындағы Қазақ мемлекеттік академиялық балалар мен жасөспірімдер театры (1950 ж. Сәулетшілер: А.Леппик, Н.Рипинский, В.Кацев, Б.Тютин); Қазақстан Жазушылар Одағының үйі (1956 ж, Сәулетші: А.Леппик); Құрманғазы атындағы Қазақ Ұлттық консерваториясы. Абылай хан даңғылында Абылай хан ескерт- кіші (Мүсінші:С.Баймағамбетов, С.Ералиев, 2000 ж.); Амангелді Иманов ескерткіші (1947 ж. Мүсінші: Х.Б. Сарыджа) орнатылған.