Қарасаз (Алматы облысы)

Қарасаз — Райымбек ауданындағы ауыл, өзімен аттас ауылыдық әкімшілік округ орталығы. Аудан орталығы — Кеген ауылынан шығысқа қарай 60 км жерде, Шалкөдесу өзенінің жағалауында, Қаратау жотасының батысында, бетеге, сұлыбас, боз, т.б. астық тұқымдас шалгынды шөп өскен қызғылт қоңыр, қара топырақты тауаралық жазықта орналасқан. Тұрғыны 2,6 мың адам (2002). Ауыл 1962-97 ж. қой өсіретін Энгельс ұжымшарының орталығы болды. Оның негізінде Қарасазда және округке қарасты Түзкөл ауылында шаруа қожалықтары құрылды. Орта, бастауыш мектеп, кітапхана, клуб, фельдшеракушерлік пункт, т.б. мекемелер бар. Тұрғындары басқа елді мекендермен автомобиль жолы арқылы қатынасады. Ауылда М.Мақатаевтың мемориалдық музейі бар.