Қайырболат Сайынұлы Майданов

Майданов Қайырболат (Николай) Сайынұлы (07.01.1956 - 29.01.2000) - Батыс Қазақстан облысы бұрынғы Жымпиты ауданы. Тасқұдық ауылында дүниеге келген. Кеңес – Ауған соғысына қатысқан, Кеңес Одағының батыры, Ресей Батыры. 1973 ж. Ақжайық (қазіргі Теректі) ауданының Шағатай ауылындағы орта мектепті тәмамдады. Содан соң бұрынғы Чапаев аудандық ДОСААФ комитетінің жанындағы курсты аяқтап, жүргізуші болды. Кеңес Әскері қатарында қызымет атқарған соң Саратовтағы Жоғарғы әскери ұшқыштар даярлайтын училищеге оқуға түсті. Ауғаныстанда көрсеткен ерлігі үшін қызыл Жұлдыз, қызыл Ту, 3 дәрежелі «КСРО қарулы Күштері қатарында Отанға қызыметі үшін» ордендерімен марапатталды. Ауғанда 50 рет әуеге көтеріліп, ауыр ұрыстарға қатысқан. Кейінгі жылдары Ресей қарулы Күштеріне қызмет етіп, Шешенстан соғысында ерлікпен қаза тапты.