Арнаулы тектоникалық карта

Арнаулы тектоникалық карта - Өзі қамтитын аумақтың бүкіл тектоникалық құрылыс ерекшеліктерін емес, олардың кейбіреулерін ғана кескіндейтін, алайда сол кескінделген ерекшеліктерді мейілінше толық ашып көрсететін тектоникалық карта. Мұндай карталарға жататындар: тектоникалық аудандастыру картасы; интрузиялық массивтер мен тұтас магмалық кешендер картасы; жарықшақтылық картасы; қатпарлық типтерінің (морфологиялық, морфогенетикалық, генетикалық) картасы; қатпарлық дәуірлері мен фазаларының картасы; жаңа тектоникалық карта; палеотектоникалық карта; тереңдіктер құрылысының картасы; жарылымдар картасы; сейсмотектоникалық карта, т.с.с. Мұндай карталар әдетте ұсақ масштабты тектоникалық карталарға қосымша ретінде дайындалады.