Арно Пайперс

Арно Пайперс
Жалпы мағлұмат
Туған күні	21 сәуір 1959 (1959-04-21) (63 жас)
Туған жері	Роттердам, Нидерланд
Азаматтығы	Нидерланд
Клуб карьерасы Фейеноорд Папендрехт Бапкерлік карьерасы 1981—1982 Эксельсиор 1982—1987 Олимпия Гауда 2000—2004 Эстония 2000—2004 Флора 2006 Астана 2005—2008 Қазақстан 2008—2010 Зенит директор 2010 Виллем II 2012 Эстония-21 2013—2014 Тараз 2017 Флора 2018 Флора

Арно Пайперс (нидер. Arno Pijpers, МФА: [ˈɑrnoː ˈpɛipərs]; 1959 жыл, 21 сәуір) — Қазақстан ұлттық құрамасынның 2006-08 жылғы бас бапкері, голландиялық маман.

Карьерасы

25 жасқа дейін футбол ойнап, жасыл алаңдағы мансабын тым ерте аяқтаған. Сол кезде «Фейеноорд» командасында ойнаған Пайперс бапкерлік өмірін де Роттердам қаласында бастаған. Одан кейін Голландия жастар құрамасының сапында жаттықтырушы болады. Өзі Дик Адвокат, Ринус Михельс, Луис ван Галь сондай-ақ Франк Райкаард сынды әйгілі бапкерлермен бірге жұмыс жасағанын мақтан тұтады.

Бұдан кейін төрт жыл Эстонияда жұмыс істеп, осы елдің ұлттық құрамасы мен «Флора» командасының бас бапкері болған. Негізі, ол Эстонияда жаман жұмыс жасаған жоқ. Оның басшылығымен Балтық елі құрамасы бірнеше тамаша ойындар өткізді. Мысалы, 2002 жылы Ресей құрамасымен болған жолдастық кездесуде 2:1 есебімен жеңіске жетті. Ал 2004 жылғы Еуропа чемпионатының іріктеу ойындарында Хорватия және Болгария құрамаларымен тең түсті. Рас, 2005 жылы Эстония футбол одағы онымен келісім-шартты ұзартпағанда, ол әжептәуір ренжіп қалған. Бірақ Эстония құрамасы 2006 жылғы Әлем чемпионатының іріктеу ойындарында Пайперстің тұсындағыдан да жоғары жетістікке қол жеткізді (Еуропаның үшінші іріктеу тобында 12 ойыннан 17 ұпай еншілеп, төртінші орынға ие болды...) Кейінгі жылы А.Пайперс өз отанында «Утрехт» клубының техникалық қызметкері болды.

2006 жылы Қазақстанға келді де, Қазақстан құрамасы мен "Астана" клубының тізгінін ұстады. Қазақстан құрамасы оның баптауымен ЕУРО-2008 іріктеуін 10 ұпай жинады, УЕФА туы астындағы тұңғыш ресми жеңістерін тойлады.

2008 жылы құраманың ойыны қайта құлдырады да, қыркүйек айында Пайперс қызметтен босады.

"Астана" клубының бапкері ретінде 2006 жылы Қазақстан чемпионы атанды.

Жетістіктері

Бапкер ретінде

• Қазақстан чемпионы: 2006

Сілтемелер

• Pijpers:Interview on teambuilding

Ортаққорда бұған қатысты медиа файлдар бар: Category:Arno Pijpers