Арыстанбаб мөpi

Уикипедия — ашық энциклопедиясынан алынған мәлімет
Навигацияға өту Іздеуге өту

Арыстанбаб мөpi- тарихи мөр. Ел аузында Арыстанбабтікі деп аталғанымен, әлі ғылыми тұрғыдан нақты дәлелденбеді. Ағаштан ойып жасалған. Жалпы пішімі дөңгелекше, бетінің диаметрі 11,5 см. Қазір әбден қарайған, кей жерлері жарылған. Мөрдің қасбетінде гүл тәріздес өрнек, арабша жазулар бар. Мөрдегі Қожа Ахмет Ясауи есімін алғаш С.Ергөбеков оқыған. Қалған жазуларды Ахмет Ясауи сағанасының тайқазаны мен шырағдандар жазуын оқып, арнайы мақалалар жазған А.А.Иванов қарады. Мөр ортасында "Сұлтан Қожа Ахмет Ясауи" деген сөз, айналасындағы жапырақшаларда (оңға қарай ретімен) "Шайқы Ахмет Равенде, Шайкы Ахмет Жами, Шайқы Ахмет Маржан, Шайқы Ахмет Қабир, Шайқы Ахмет Аркам, Шайкы Ахмет Саххак, Шайқы Ахмет Харб, Шайқы Ахмет .... (толық оқылмайды), Шайкы Ахмет Марсал" деген адам аттары кездеседі (қ. 11-қосымша). Арыстанбаб мөpi Арыстанбабтың шырақшылары болған Шерімбет және Нарымбет әздер қолынан Бабахан қары деген кісіге, одан сол адамның келініне көшкен.[1]

Дереккөздер[өңдеу | қайнарын өңдеу]

  1. Отырар. Энциклопедия. – Алматы. «Арыс» баспасы, 2005 ISBN 9965-17-272-2