Асанғали Сапаров

Уикипедия — ашық энциклопедиясынан алынған мәлімет
Навигацияға өту Іздеуге өту
Асанғали Сапаров
Туған күні

4 желтоқсан 1935 (1935-12-04)

Туған жері

Ақтоғай ауылы, Махамбет ауданы, Атырау облысы

Қайтыс болған күні

26 маусым 2017 (2017-06-26) (81 жас)

Қайтыс болған жері

Атырау

Азаматтығы

 КСРО
 Қазақ КСР
 Қазақстан

Марапаттары мен сыйлықтары
Владимир Ильич Лениннің туғанына 100 жыл мерекелік медалі

Асанғали Сапаров (4 желтоқсан 1935 жыл Ақтоғай ауылы Махамбет ауданы Атырау облысы – 26 маусым 2017, Атырау) — мемлекет және қоғам қайраткері. Білім беру ісінің құрметті қызметкері

Өмірбаяны[өңдеу | қайнарын өңдеу]

Асанғали Сапаров 1935 жылы 4 желтоқсанда казіргі Махамбет ауданы, Ақтоғай ауылында дүниеге келді. Руы Жаппас, Қаракөз бөлімі, Кіші Жүз.

1944 жылы бұрынғы Бақсай-Шойда алғаш мектеп табалдырығын аттады. Бұл оқу орнында 7 сыныпқа дейін білім алып, одан әрі оқуын Махамбет орта мектебінде жалғастырды. Ол мектепте қоғамдық жұмыстарға белсене араласып, тәртібі үлгілі болды. 1955 жылы он жылдық мектепті үздік тәмамдады.

1955-1960. Орал қаласындағы Пушкин атындағы Педагогикалық институтқа оқуға қабылданды. Алайда, 1 жылдан кейін Гурьев Педагогика институтына ауысты. Бағдарға алған мамандығы – сызу, физика-математика пәнінің мұғалімі еді.

1960-1961 жылдары еңбек жолын Гурьев ауыл шаруашылығы техникумында оқытушы болып бастады.

1961-1964 жылдары аралығында Гурьев Педагогикалық институтында аға лаборант, оқытушы, аға оқытушы, бастауыш факультеті деканының орынбасары болды.

1964-1968 жылдары Гурьев қаласының № 4 орта кәсіптік-техникалық училищесі (№13 химиктер училищесі) директорының оқу-өндірістік жұмыс жөніндегі орынбасары

1968-1975 жылдары Гурьев қаласының № 3 орта кәсіптік-техникалық училищесі (№12 құрылыс училищесі) директоры

1975-1980 жылдары Гурьев атқару комитетінде жауапты хатшы, кейін қалалық кеңес төрағасының орынбасары лауазымды қызметтерін атқарды.

1980-1981 жылдары Гурьев сыра зауытының директоры, сосын "Қазмұнайгазгеология" бірлестігі құрылыс басқармасы бастығының орынбасары

1981-1984 жылдары "Зеленстрой" басқармасының бастығы

1984-1997 жылдары Гурьев қаласының №37 орта кәсіптік-техникалық училищенің директоры қызметімен еңбек жолын тәмамдады.

1997 жылдың желтоқсан айынан республикалық дәрежедегі дербес зейнеткер болды.

Қоғамдық қызметі[өңдеу | қайнарын өңдеу]

1971-1985 жылдары Гурьев қалалық кеңесінің 7 шақырылымының депутаты және Қазақстан Компартиясы қалалық комитетінің мүшесі.

1988 жылы Москвада өткен Бүкілодақтық оқытушылар съезіне делегат болды.

1994-1999 жылдары Атырау облыстық маслихаттың депутаты

1996-1999 жылдары Атырау облыстық мәслихатының заңдылықты және құқықтық тәртіпті сақтау жөніндегі тұрақты комиссиясы төрағасының орынбасары

Атырау облыстық Тәртіптік кеңесінің мүшесі (2000)

Отбасы[өңдеу | қайнарын өңдеу]

Әкесі Сапар (1884-1947) мен анасы Мәриядан (1900-1971) тараған үш ұл, бір қыз.

Жұбайы Алма Есказиевамен шаңырағынан ұш бала жарық дүние есігін ашқан: Айгүл, Арман, Нұргүл. Ғұмырын халық ағарту саласына арнаған Алма апай Асан секілді абзал адамның жұбайы болғанын мақтаныш етеді және өзін ұрпақтары арасында бақытты сезінеді.

Айгүл мен жолдасы Еріктен Ерлан, Аян есімді жиендері өмірге келсе, Нұргүл мен Қайрат Мереке, Темірлан, Әсем есімді жиендерді тәрбиелеуде. Ал ұлы Арман мен келіні Айгүл төрт немересін дүниеге әкеліпті: Айбек, Айбар, Азат және Айсель.

Марапаттары[өңдеу | қайнарын өңдеу]

Еркін күрестен Гурьев облыстың жеті дүркін чемпионы, 1959 жылғы Гурьев облысының абсолюттік чемпионы, 1958 жылғы ҚазКСР студенттік ойындарының жүлдегері, Батыс Қазақстанның екі дүркін чемпионы. ҚазССР-нің 40 жылдығына арналған жарыстардың ҚазССР чемпионы (1960) Дене шынықтыру мен спортты дамытуға қосқан зор үлесі үшін Сапаров Асанғали естелік медальдармен және грамоталармен марапатталды

Директор болып жұмыс істеген кезде №12 құрылыс училище төрт рет ҚазССР Ауыспалы Қызыл Туымен жеңіп алды

1967 жылы 31-ші наурызда «Қазақ ССР-інің кәсіптік-техникалық білім беру жүйесінің үздігі» белгісімен марапатталды.

"Ерен еңбегі үшін. В.И.Лениннің туғанына 100 жыл толу құрметіне” медалі (1970)

"Еңбек ардагері” медалі (1984)

1991 жылы 8-ші сәуірде "Қазақ ССР-інің еңбек сіңірген халыққа білім беру қызметкері" құрметті атағы берілді.

2005 жылы 14-ші желтоқсанда білім беру саласындағы ерекше еңбегі үшін «Қазақстан Республикасы Білім беру ісінің құрметті қызметкері» белгісімен марапатталды.

2006 жылы Атырау облысының кәсіптік білім беру саласын дамытуда сіңірген ерекше еңбегі үшін "Жігерлі адам" атағы берілді.

"1941-1945 Ұлы Отан соғысындағы Жеңіске 65 жыл" мерейтойлық медалі (2010)

"1941-1945 Ұлы Отан соғысындағы Жеңіске 70 жыл" мерейтойлық медалі (2015)